பெயர் மாறி முதலமைச்சர் மாறினாலும் கொடுக்கப்படும் பொருட்கள் கொடுக்கப் படுகின்றன: டிவி இலவசம், மிக்சி-கிரைண்டர் இலவசம், வேட்டி-சேலை இலவசம் என்று கொடுக்க ஆரம்பித்து, விமர்சனத்திற்குள்ளாகியதும், இப்பொழுது பெயரை மாற்றி, “விலையில்லா வேட்டி, சேலைகள் வழங்கும் திட்டம்” என்று அதே இலவசபாணியில் விநியோகம் தொடர்கிறது. பெயர் மட்டும் மாறவில்லை, முதலமைச்சர் படமும் மாறியிருக்கிறது. ஜெயலலிதாவிற்கு நிறைய செனல்கள் / டிவிக்கள் இல்லாததால், கருணாநிதி போன்று காண்பிக்கப் படவில்லை. அரசு வேண்டுமானால், விலையில்லாமல் ஓசியில் கொடுக்கலாம், அரசிற்கு, யாரும் ஓசியில் கொடுப்பதில்லையே? 256 / 300 கோடிகள் கொடுத்தால் தானே கிடைக்கிறது. பிறகு எப்படி அவை “விலையில்லா பொருட்கள்” என்றாகும்? தினமணி, “இலவச வேட்டி, சேலைத் திட்டம்: முதல்வர் தொடங்கிவைத்தார்”, என்றே செய்தி வெளியிட்டிருக்கிறது[1]. ஆக இதற்கெல்லாம் மக்களின் வரிப்பணம் தானே செலவழிக்கப் படுகிறது. சினிமாவில், வியாபாரத்தில், சாராயத்தில், கள்ளக்கடத்தல், “நம்பர்-டூ” வியாபாரம் செய்து கள்ளப்பணம் / கருப்புப் பணம் வைத்திருப்பவர்கள் தானமாக கொடுத்தால் பரவாயில்லை. கணக்கில்லாத பணம் அவ்வாறே செலவிழிகிறது என்று விட்டுவிடலாம். ஆனால், கணக்கில், வரிப்பணமாக இருக்கும் பணத்தை இலவசத்திற்கு கொடுப்பதால் அப்பொருட்கள் விலையில்லாப் பொருட்களாகி விடாது. இதனால், நிச்சயமாக வரியேற்றம் ஏற்படும், விலைவாசி ஏறும், அத்தகைய சங்கிலித்தொடர் பொருளாதார நிகழ்வுகளில் பொது மக்கள் தான் பாதிக்கப்பட போகிறார்கள்.

ஒரு கோடியே, 70 லட்சத்து, 84 ஆயிரம் சேலைகளும், ஒரு கோடியே, 69 லட்சத்து, 75 ஆயிரம் வேட்டிகளும் பயனாளிகளுக்கு வழங்கப்பட உள்ளன: இந்த ஆண்டுக்கு, விலையில்லா வேட்டி, சேலைகள் வழங்கும் திட்டத்தை, பயனாளிகளுக்கு வழங்கி, முதல்வர் ஜெயலலிதா துவக்கி வைத்தார்[2]. பொங்கல் பண்டிகையை ஒட்டி, ஒவ்வொரு ஆண்டும் விலையில்லா வேட்டி, சேலைகள் வழங்கப்படுகின்றன. இத்திட்டத்தின் மூலம், ஏழைகள் பயன் பெறுவது மட்டுமன்றி, கைத்தறி, விசைத்தறி தொழில்களில் ஈடுபட்டுள்ளோருக்கும், ஆண்டு முழுவதும் வேலைவாய்ப்பு கிடைக்கிறது. இந்த ஆண்டு, பொங்கல் பண்டிகையை ஒட்டி, விலையில்லா வேட்டி, சேலை வழங்கும் திட்டத்தின் கீழ், ஒரு கோடியே, 70 லட்சத்து, 84 ஆயிரம் சேலைகளும், ஒரு கோடியே, 69 லட்சத்து, 75 ஆயிரம் வேட்டிகளும் பயனாளிகளுக்கு வழங்கப்பட உள்ளன. இத் திட்டத்துக் கென முதல்வர் ஜெயலலிதா, 350 கோடி ரூபாயை ஒதுக்கீடு செய்து உத்தரவிட்டுள்ளார். இந்த ஆண்டுக்கான விலையில்லா வேட்டி, சேலைகள் வழங்கும் திட்டத்தை, தலைமைச் செயலகத்தில் முதல்வர் ஜெயலலிதா நேற்று துவக்கி வைத்தார். ஏழு பயனாளிகளுக்கு, வேட்டி, சேலைகளை வழங்கினார்.

தமிழகத்தில் எப்படி வெடிகுண்டு கலாச்சார ஆரம்பித்தது, ஊக்குவிக்கப்பட்டது, வளர்ந்தது, பரவியது என்பதைப் பற்றி முந்தைய கட்டுரையில் விளக்கப் பட்டுள்ளது[1]. தீவிரவாதக் குழுக்கள் வெடிகுண்டுகளை உபயோகித்து அப்பாவி மக்களைக் கொன்று, பயங்கரவாதம் மூலம் பீதியை பரப்ப எண்ணுகின்றன[2]. எப்படி ஜிஹாத் கத்தியிலிருந்து வெடிகுண்டு முறைக்கு மாறியுள்ளது என்பதும் எடுத்துக் கட்டப்பட்டது[3]. வெளிப்படையாக “கருப்பு தினம்” என்றெல்லாம் அக்குழுக்கள் சுவரொட்டிகள் ஒட்டுகின்றன, பொது இடங்களில் குண்டுகளை வைக்கின்றன. ஆனால், போலீஸார் ஏதோ செய்திகளை வெளியிடுவதோடு நின்று விடுகின்றனர்.

பயங்கரவாதிகளுக்கு வெடிமருந்து சப்ளை எப்படி? தினமலர் சிறப்பு நிருபர், தனது கட்டுரையில் இவ்வாறு குறிப்பிட்டுள்ளார். “வெடிமருந்து விற்பனையில் நடக்கும் முறைகேடுகளால், தமிழகத்தின் அமைதிக்கு பெரும் ஆபத்து காத்திருக்கிறது. மதுரையில் பா.ஜ., மூத்த தலைவர் அத்வானியை கொல்ல பயங்கரவாதிகள் பைப் வெடிகுண்டு வைத்த சம்பவத்துக்கு பிறகாவது, மத்திய அரசின் வெடிமருந்து

கட்டுப்பாட்டுத்துறை, மாநில வருவாய்த்துறை மற்றும் போலீஸ் துறையினர் உஷாரடைய வேண்டும். ஊழல் மற்றும் கறுப்பு பணத்துக்கு எதிராக பிரசார யாத்திரை மேற்கொண்டிருக்கும் பா.ஜ., மூத்த தலைவர் அத்வானி, கடந்த மாதம் 28ம் தேதி, 2011 மதுரை – ராஜபாளையம் சாலையில் திருமங்கலம் அருகேயுள்ள ஆலம்பட்டி தரைமட்ட பாலம் வழியாக செல்லவிருந்தார். இவரது பயணத்திட்டத்தை அறிந்த பயங்கரவாதிகள், பாலத்தின் கீழ் பைப் வெடிகுண்டை வைத்து நாசவேலை செய்திருந்தனர். முன்னெச்சரிக்கை நடவடிக்கையால் குண்டு கைப்பற்றப்பட்டு, தகுந்த நேரத்தில் சதித்திட்டம் முறியடிக்கப்பட்டது. விசாரணை நடத்திய சி.பி.சி.ஐ.டி.,(சிறப்பு புலன்விசாரணைக் குழு)யினர் மதுரை, சிம்மக்கல் பகுதியைச் சேர்ந்த இஸ்மத், நெல்பேட்டையைச் சேர்ந்த அப்துல் ரகுமான், சென்னையைச் சேர்ந்த அல்டாப் உள்ளிட்டோரை கைது செய்தனர். இந்நபர்கள், சில ஆண்டுகளுக்கு முன் கர்நாடக மாநிலம், பெங்களூரில் தமிழக அதிரடிப்படை போலீசாரால் சுட்டுக்கொல்லப்பட்ட பயங்கரவாதி இமாம்அலியின் ஆதரவாளர்கள் என போலீஸ் விசாரணையில் தெரியவந்தது.
வெடி மருந்து விற்பனையாளர்களிடம் விசாரணைம் சோதனை: அத்வானியை கொல்ல திட்டமிட்ட பயங்கரவாதிகளுக்கு வெடிமருந்துகளை சப்ளை செய்தவர்கள்

யார் என்ற கோணத்திலும் சி.பி.சி.ஐ.டி., (எஸ்.ஐ.டி.,) விசாரிக்கிறது. பணத்துக்காக பயங்கரவாதிகளுக்கு வெடிமருந்துகள் விற்கப்பட்டதா அல்லது சதித்திட்டத்துக்கு உடந்தையாக இருந்து சப்ளை செய்தனரா என்ற மர்மம் நீடிக்கிறது. இதற்கிடையே, மதுரையில் நடந்த சதிச்செயல் எதிரொலியாக, தமிழகம் முழுவதும் வெடிமருந்து டீலர்கள், சப் – டீலர்களின் குடோன்களில் போலீசார், வருவாய் அதிகாரிகள் திடீர் சோதனை நடத்தினர். வெடிமருந்து கொள்முதல் அளவு, விற்பனை அளவு, கையிருப்பு அளவை ஆய்வு செய்தனர். ஒவ்வொரு முறையும் ஏதாவது அசம்பாவிதம் நடந்தபிறகே இதுபோன்ற ஆய்வுகள் நடத்தப்படுகின்றன. வழக்கமான ஆய்வுகள் முறைப்படி நடப்பதில்லை.
போலி ஆவணம் தயாரிக்கும் டீலர்கள் – கல்குவாரி பெயரில் வெடிமருந்து திருப்பப்படும் விதம்: விழிக்காவிடில் பெரும் ஆபத்து: தமிழகத்தின் பல்வேறு மாவட்டங்களில் ஆயிரக்கணக்கான கல் குவாரிகள் உள்ளன. இங்கு உடைக்கப்படும் பாறைகள் புளூ மெட்டல் மற்றும் “டஸ்ட்’டாக (துகள்) மாற்றப்பட்டு கட்டடம் கட்டுமானம், பாலங்கள், சாலை உள்ளிட்ட பொதுப்பணிகளுக்கு சப்ளையாகின்றன.

பாறைகளை உடைக்க ஜெலட்டின் வெடிமருந்து டெட்டனேட்டர்கள் பயன்படுத்தப்படுகின்றன. வெடிமருந்துகளை இருப்பு வைத்திருக்கவும், கையாளவும் இரண்டு, மூன்று பெயர்களில் லைசென்ஸ் பெற்றிருக்கும் கல் குவாரி அதிபர்கள், தங்களுக்கு தேவையான வெடிமருந்துகளை டீலர்களிடம் கொள்முதல் செய்கின்றனர்; இங்கு தான் முறைகேடு துவங்குகிறது.குவாரி அதிபர்களின் தேவைக்கும் அதிகமாகவும் சில நேரங்களில் வெடிமருந்துகள் சப்ளை செய்யப்படுவதாக கூறப்படுகிறது. வழக்கமாக குறைந்த அளவிலேயே வெடிமருந்து கொள்முதல் செய்யும் லைசென்ஸ்தாரர்களின் பெயரில் போலி ரசீதுகளை போடும் டீலர்கள், அதிகமாக வெடிமருந்து கேட்கும் நபர்களுக்கு கூடுதல் விலைக்கு விற்று விடுகின்றனர்[4]. இவ்வாறு டீலரிடம் கொள்முதல் செய்யப்படும் வெடிமருந்துகளை “இ – வெகிக்கிள்’ (எக்ஸ்ப்ளோசிவ் வெகிக்கிள்) என்றழைக்கப்படும் பாதுகாப்பு முன்னெச்சரிக்கை வசதி கொண்ட வாகனத்தில், குவாரிகளுக்கு எடுத்துச் செல்வது கிடையாது. பாதுகாப்பு விதிகளை அப்பட்டமாக மீறி கார், ஜீப், வேன்களில் எடுத்துச் செல்கின்றனர். இதனால், சாலையில் பொதுமக்களின் உயிருக்கு ஆபத்து நேரிடும் அபாயம் உள்ளது.
லைசென்ஸ் இல்லாத தனி நபர்களுக்கு வெடிமருந்து விற்பனை: லைசென்ஸ் இல்லாத நபர்களுக்கு வெடிமருந்துகளை விற்கக்கூடாது என்பது விதி. லைசென்ஸ்

பெற்ற நபர்களே வாங்கிச் சென்றாலும் பாறையை உடைக்க, கிணறு வெட்ட அவர்களாகவே வெடி வைத்துவிட முடியாது; அதற்கென லைசென்ஸ் பெற்ற நபர்களும் (ஷார்ட் பயரர்) உள்ளனர். ஆனால், வெடிமருந்து டீலர்களில் சிலர் அதிக லாபத்தையே நோக்கமாக கொண்டு, லைசென்ஸ் இல்லாதவர்களுக்கும் வெடிமருந்துகளை விற்று விடுகின்றனர். இதற்கான “கணக்கை’ நேர்செய்ய, லைசென்ஸ் பெற்றவர்களின் பெயரில் போலி விற்பனை ரசீது போட்டு விடுகின்றனர். இப்படி சாதாரணமன “ரேஷன் கடை” முறையை, வெடிமருந்து விற்பனையாளர்களும் பின்பற்றுகிறார்கள் என்றால் நம்பமுடியவில்லை.
1998வது மாதிரி பின்பற்றப்படுகிறதா – பயங்கரவாதிகளுக்கு வசதி: டீலர்களின் முறைகேடான செயல்கள் பயங்கரவாத செயல்களுக்கு பெரிதும் துணை போகின்றன. சதித்திட்டத்தை அரங்கேற்ற திட்டமிடும் உள்ளூர் பயங்கரவாதிகள், கூடுதல் தொகையை கொடுத்து எளிதாக வெடிமருந்துகளை வாங்கிவிடுகின்றனர். அதன்பின், எங்காவது ஓரிடத்தில் குண்டுவெடிப்பு அல்லது சதிச் செயல்கள் நடந்ததும் சம்மந்தப்பட்ட அதிகாரிகள் தூக்கம் கலைந்து எழுகின்றனர். கோவை நகரில் கடந்த 1998, பிப்., 14ல் நடந்த தொடர் குண்டுவெடிப்புக்கு கர்நாடக மாநிலம் மைசூரில் இருந்து பல ஆயிரம் கிலோ வெடிமருந்துகள் கோவைக்கு கடத்தி வரப்பட்டு பைப் வெடிகுண்டு, டீ கேன் குண்டு, பார்சல் குண்டுகள் தயாரிக்கப்பட்டன. குண்டு வெடிப்பு நிகழ்ந்ததும் மைசூரு வெடிமருந்து வியாபாரி ரியாசுர் ரகுமான் கைது செய்யப்பட்டார்; வெடிமருந்து கட்டுப்பாட்டு அதிகாரிகளின் முறையாக அவரது குடோனில் ஆய்வு

நடத்தியிருந்தால் குண்டு வெடிப்பு சதியை தடுத்திருக்க முடியும். அலட்சியத்தால் குண்டுவெடிப்பு நிகழ்ந்து 58 பேர் உயிரிழந்து, 250 பேர் காயமடைந்தனர். இச்சம்பவத்தை தொடர்ந்து அடுத்த சதிச்செயலாக மதுரையில் அத்வானிக்கு குறி வைக்கப்பட்டது. இதில், 7 கிலோ ஜெலட்டின், டெட்டேனேட்டர்கள் பயன்படுத்தப்பட்டன. இச்சம்பவம், லைசென்ஸ் பெறாத தனி நபர்களுக்கும் வெடிமருந்துகள் தாராளமாக சப்ளையாவதை உறுதிப்படுத்தியுள்ளது. இதன்பிறகாவது, வெடிமருந்து கட்டுப்பாட்டுத் துறை அதிகாரிகள், வருவாய்த்துறை அதிகாரிகள் மற்றும் போலீசார் உஷாரடைந்து தடுப்பு நடவடிக்கைகள் மற்றும் கண்காணிப்பை பலப்படுத்த வேண்டும். இல்லாவிடில், தமிழகத்தில், பயங்கரவாத செயல்கள் மீண்டும் தலைதூக்கும்.
வெடிமருந்து முறைகேடுகள் குறித்து, போலீஸார் ஆராய வேண்டிய விவரங்கள் – ஓய்வு பெற்ற கூடுதல் டி.ஜி.பி., ஒருவர் கூறியதாவது: “டீலர்களின் வெடிமருந்து குடோன்களை அவ்வப்போது ஆய்வு செய்து, பாதுகாப்பு விதிகளை அமல்படுத்தும் அதிகாரம் வெடிமருந்து கட்டுப்பாட்டு அதிகாரிகள், தாசில்தார் அந்தஸ்துக்கும் குறையாக வருவாய் அதிகாரிகள், டி.எஸ். பி.,கள், ஸ்டேஷன் இன்ஸ்பெக்டர்களுக்கு உண்டு. இவர்கள், வெடிமருந்து குடோன்களில் குறித்த கால இடை வெளியில்

சோதனை நடத்த வேண்டும். டீலர்களில் பலரும் “நெ.2 பிசினஸ்’ (முறைகேடான விற்பனை) செய்ய வாய்ப்பிருக்கிறது. அதிகாரிகள் சோதனை நடத்தும்போது வெடிமருந்து சட்டத்தின்படி வரையறுக்கப்பட்ட அளவில் மட்டுமே வெடிமருந்துகள் அந்த குடோனில் கையாளப்படுகிறதா, கூடுதலாக இருப்பு வைக்கப்பட்டுள்ளதா, போலி ரசீது புத்தகங்கள் மறைத்து வைக்கப்பட்டுள்ளதா, வெடிமருந்து இருப்பு வைக்கப்பட்டிருக்கும் “மெகஸின்’களில் கூடுதல் எண்ணிக்கையில் வெடிமருந்துகள் வைக்கப்பட்டுள்ளதா, கடந்த காலங்களில் எவ்வளவு வெடிமருந்துகள் விற்பனையாகியுள்ளன, தற்போது விற்பனை அதிகரித்திருந்தால் அதற்கான காரணம் என்ன, என்று பல கோணங்களிலும் ஆராய வேண்டும். லைசென்ஸ் பெற்ற நபர்களின் பெயரில் போலி ரசீதுகளை போட்டு விற்பனை செய்யவும் வாய்ப்புள்ளதால், சம்பந்தப்பட்ட லைசென்ஸ்தாரர்களிடமும் நேரடியாக விசாரிக்க வேண்டும்”.
தணிக்கைச் செய்யப்படாதலால் தீவிரவாதிகளுக்கு ஏதுவாக உள்ள வியாபாரம்: முறைகேடு நடந்திருந்தால் வெடிமருந்து கட்டுப்பாட்டுத்துறை அதிகாரிகளுக்கு அறிக்கை அனுப்பி, “டீலர்ஷிப்’ லைசென்சை ரத்து செய்ய பரிந்துரைக்க வேணடும்.

அப்போதுதான், பயங்கரவாதிகளுக்கு வெடிமருந்து சப்ளையாகாமல் தடுக்க முடியும். ஆனால், துரதிர்ஷ்டவசமாக இதுபோன்ற முறையான சோதனைகள் பெரும்பாலான இடங்களில் நடப்பதில்லை. இதன் காரணமாக, சதிச்செயல் நடப்பதற்கான வாய்ப்புகள் உருவாகின்றன. மதுரையில் பா.ஜ., தலைவர் அத்வானியை குறிவைத்து, பாலத்தின் கீழ் குண்டு வைக்கப்பட்ட பின்னணியிலும், வெடிமருந்து டீலரின் முறைகேடு இருக்க வாய்ப்புள்ளது. இச்சதிச்செயலில் ஈடுபட்ட பயங்கரவாதிகளுக்கு வெடிமருந்து சப்ளை செய்த டீலர் யார், இதுபோன்ற முறைகேடு எவ்வளவு காலமாக நடந்து வந்திருக்கிறது என்பதை கண்டறிந்தால் பல தகவல்கள் வெளியாகக்கூடும்.
டீலர்-சப்-டீலர்-வாங்குபவர் தொடரை விசாரிக்க வேண்டும்: உள்ளூர் வெடிமருந்து டீலர்கள், தன்னிச்சையாக முறைகேட்டில் ஈடுபடுவதற்கான வாய்ப்புகள் மிக, மிக குறைவு. வெடிமருந்து தயாரிப்பு கம்பெனியில் பணியாற்றும் அதிகாரிகள் மற்றும்

மெயின் டீலர்களின் துணை இருப்பதற்கான சாத்தியக்கூறுகளும் உள்ளன. காரணம், வெடிமருந்து தயாரிப்பு கம்பெனியில் இருந்து வெளியே அனுப்பப்படும் ஒவ்வொரு கிராம் வெடிமருந்துக்கும் கணக்கு விவரங்கள் பராமரிக்கப்படுகின்றன. எனவே, நாசவேலை தடுப்பு கண்காணிப்பு நடவடிக்கையை வெடிமருந்து உற்பத்தி கம்பெனிகளில் இருந்து குவாரிகளுக்கு சப்ளை செய்யும் டீலர்கள் வரை தொடர வேண்டும். தமிழகத்தில் பாதுகாப்பு முன்னெச்சரிக்கை நடவடிக்கைகளை வலுப்படுத்தும் போது, அண்டை மாநிலங்களில் இருந்து கடத்தி வரவும் வாய்ப்புள்ளது. இதனால், மாநில எல்லைச் சாலைகளில் சோதனை நடவடிக்கைகளை இடைவிடாது மேற்கொள்ள வேண்டும். இவ்வாறு, ஓய்வு பெற்ற கூடுதல் டி.ஜி.பி., தெரிவித்தார்.
மூட்டை மூட்டையாக வெடிமருந்துகள் பறிமுதல்[5]: தமிழகத்தின் பல்வேறு மாவட்டங்களில் போலி ஆவணம் மூலமாக விற்பனை செய்யப்பட்ட வெடிமருந்துகள், போலீசாரின் சோதனையில் அடுத்தடுத்து பிடிபட்டுள்ளன.

• கடந்த 2010, ஜன.,16ல் சேலம், ஜலகண்டாபுரத்திலுள்ள தனியார் மில்லில் சோதனை நடத்திய போலீசார் 20 ஜெலட்டின், 40 எலக்ட்ரானிக் டெட்டனேடர்களை பறிமுதல் செய்து, வெங்கிடு என்பவரை கைது செய்தனர்.

• 2010, மார்ச் 2ல் தர்மபுரி, பென்னாகரம், பாப்பாரபட்டியில் செல்லபாண்டி என்பவரது வீட்டில் 20 ஜெலட்டின் உள்ளிட்ட வெடிமருந்துகள் பறிமுதல் செய்யப்பட்டன.

• 2010, ஏப்.,5ல் நீலகிரி மாவட்டம், கூடலூர், கீழ்நாடுகானி கிராமத்திலுள்ள ஒரு வீட்டில் சோதனை நடத்திய போலீசார் 38 ஜெலட்டின், 118 டெட்டனேட்டர்கள், 110 பியூஸ் ஒயர்களை பறிமுதல் செய்து, சுப்ரமணியம் என்பவரை கைது செய்தனர்.

• 2010, ஆக.,14ல் அரச்சலூரில் சோதனை நடத்திய போலீசார் மணி என்பவரது வீட்டில் இருந்து 100 ஜெலட்டின் மற்றும் டெட்டனேட்டர்களை கைப்பற்றினர்.

• 2011, ஏப்.,21ல், தேனி மாவட்டம், குமுளி – கம்பம் சாலையில் வாகன சோதனையில் ஈடுபட்ட போலீசார் டவுன் பஸ்சில் 12 மூட்டைகளாக கடத்தி வரப்பட்ட 600 ஜெலட்டின்களை பறிமுதல் செய்தனர். இதுதொடர்பாக, மொக்கைராஜ் என்பவர் கைது செய்யப்பட்டார். மேற்கண்ட சம்பவங்கள் குறித்து போலீசார் நடத்திய விசாரணையில் பல்வேறு அதிர்ச்சி தகவல்கள் வெளியாகின. வெடிமருந்து டீலர்களுக்கு கூடுதல் விலை கொடுத்து வெடிமருந்துகளை வாங்கிச் சென்றுள்ளனர். பாறை உடைக்க, கிணறு வெட்ட என, பல்வேறு காரணங்களை பிடிபட்டவர்கள் தெரிவித்துள்ளனர். எனினும், வெடிமருந்துகளை கையாள்வதற்கான லைசென்ஸ் பெறாத நபர்களுக்கு, வெடிமருந்துகளை முறைகேடாக விற்பனை செய்துள்ள சம்பவம் போலீசாரை அதிர்ச்சிக்குள்ளாக்கியது.

கூடுதல் தொகை கொடுத்தால் போதும் யாருக்கு வேண்டுமானாலும் வெடிமருந்து கிடைக்கும் என்ற வாய்ப்பை பயங்கரவாதிகள் பயன்படுத்திக்கொள்ள ஆரம்பித்தால் தமிழகத்தின் நிலை என்னாவது, என்ற அச்சம் போலீசுக்கும் உள்ளது. இதுகுறித்து டி.எஸ்.பி., ஒருவர் கூறுகையில், “லைசென்ஸ் பெறாத நபர்களுக்கு வெடிமருந்துகளை விற்பனை செய்த டீலர்கள் குறித்து முறைப்படி அறிக்கை அனுப்புகிறோம். ஆனால், முறைகேட்டில் ஈடுபட்ட டீலர்களின் லைசென்ஸ் ரத்து செய்யப்படுவதில்லை. இதுவே, முறைகேடுகள் அதிகரிக்க காரணம்’ என்றார்.

வேதபிரகாஷ்

07-11-2011

தமிழகத்தில் வெடிகுண்டு தயாரிப்பு, வெடிப்பொருட்கள் உபயோகம், வெடிகுண்டு கலாச்சாரம் (2) தமிழகத்தில் வெடிப்பொருட்கள், குண்டுகள் தயாரிக்கும் தொழிற்சாலைகள்: அருவங்காடு என்ற இடத்தில் இருக்கும் கார்டைட் நிறுவனம், இந்திய ராணுவத்திற்கு சப்ளை செய்கிறது[1]. தமிழக அரசு நிறுவனமான[2] “தமிழ்நாடு எக்ஸ்போலிசிவ் லிமிடெட்” என்ற தொழிற்சாலையில் ரசாயன வெடிகுண்டு வகைகள் தயாரிக்கப் படுகின்றன[3]. குறிப்பாக அத்தொழிற்சாலை உற்பத்தி செய்யும் ரசாயன வெடிமருந்து கலவைகளில் இவ்வகை – நைட்ரோ செல்லூலோஸ் வருகிறது. நைட்ரோ செல்லூலோஸ் வகைகளில் ( Emulsion Explosives)  மூன்று வகைகள் உள்ளன[4] -

Non-Permitted – அனுமதிக்கப்படாதவை Permitted – அனுமதிக்கப்பட்டவை Seismic – பூமியதிர்வு ஆராய்ச்சி முதலியவற்றிற்கு உபயோகப்படுத்தப்படுபவை. பென்டா எரித்ரிடோல் டிரை நைட்ரேட் என்ற [PETN (Pentaerythritol Tri-Nitrate) explosive] வெடிவகைகளும் உபயோகப் படுத்தப் படுகின்றன[5]. சமீபத்தில் இந்த வெடி மருந்துகள் கொண்ட குண்டுகளைத்தான் தீவிரவாதிகள் உபயோகப் படுத்தியுள்ளனர். இத்தகைய ரசாயனப் பொருட்கள் உபயோகம், அவற்றை பயன்படுத்தக் கூடிய முறைகளை அறிந்தவர்கள் என்று தெரிகிறது. குறிப்பாக தீவிரவாதத்திற்கு அவற்றை மாற்றியமைத்து குண்டுவெடித்து நாசவேலை செய்யும் பின்னணியையும் காட்டுகிறது[6]. இவை மொத்தமாக நியமிக்கப்பட்ட விற்பனை ஏஜென்டுகள் மூலம் விற்க்கப்படுகின்றன[7] மற்றும் மாநில வாரியாக டீலர்களும் உள்ளனர்[8]. முன்பு சந்திரபாபு நாயுடு கார்கள் செல்லும்போது, நக்ஸலைட்டுகளால் இந்த வகை குண்டுகள் உபயோயோகிக்கப்பட்டன[9]. அப்பொழுது உற்பத்தி தற்காலிகமாக நிறுத்தி வைக்கப்பட்டிருந்தது. எனெவே, குவாரிகளுக்கு என்று வாங்கிச் செல்லும் வெடிமருந்துகள், குண்டுகள் முதலியவை தீவிரவாதிகளுக்குச் செல்கின்றன, அவர்கள் அவற்றை வெடிகுண்டுகளாக தயாரித்து, டைமர் முதலியவற்றுடன் உபயோகப் படுத்துகிறார்கள் என்று தெரிகிறது[10]. தமிழகத்தில் வெடித்துவரும் “பைப் வெடிகுண்டுகள்” குறிப்பிட்ட குழிவினரைக் காட்டுகிறது எனலாம்.

யாருக்கு தொடர்பு? – வழக்கை திசைத் திருப்பவா, உண்மையினை அறிந்து கொள்ளவா?  இப்பொழுதெல்லாம் போலீஸாரும், டாக்டர்களைப் போல ஆகிவிட்டார்கள், பதில் சொல்கிறார்கள் – “விசாரணை ஆரம்பிக்கப் பட்டுள்ளது. இது சம்பந்தப் பட்ட வல்லுனர்கள் அறிக்கை கொடுத்த பிறகு தான் மற்ற விவரங்கள் சொல்லமுடியும். நாங்கள் அதைப் பற்றி ஒன்றும் கூறாமுடியாது”, என்றா ரீதியில் பதில் அளிக்கின்றனர்.  போலீஸ் அதிகாரி ஒருவர் கூறுகையில், “நேற்று அதிகாலை 3.30 மணியளவில் வடஇந்தியரை போல காணப்பட்ட மர்ம நபர், பாலம் அருகே நடமாடி கொண்டிருந்ததாக போலீசுக்கு தகவல் கிடைத்துள்ளது[11]. வெடிகுண்டுகளை மணல் மூட்டைகளுக்கிடையே வைத்து பிரித்தபோது, அதில் 7 கிலோ எடையுள்ள, “ஹை பவர் ஜெலட்டின் ஜெல்’ வைக்கப்பட்டிருந்தது[12]; [தமிழன் டிவி எப்படி ஆர்.டி.எக்ஸ் வெடிமருந்து நிரப்பப்பட்டும் …….என்று வெளியிட்டுள்ளது என்று தெரியவில்லை[13]. ஆர்.டி.எக்ஸ் என்பது சைகிளோ-டிரை-எதிலமைன்-டிரைநைட்ரோ அமைன் (Cyclotrimethylenetrinitramine) என்பதாகும்] அதனுடன் டெட்டனேட்டர்களும் இணைக்கப்பட்டிருந்தன. அவை செயலிழக்க வைக்கப்பட்டன. “ஜெல் 90′ வகையைச் சேர்ந்த இந்த வெடி மருந்துகள் எங்கிருந்து வாங்கப்பட்டன என்பது குறித்து, விசாரணை நடக்கிறது. இந்த வகை வெடி மருந்து, அரசு வெடி மருந்து கிட்டங்கியில் மட்டுமே தயாரிக்கப்படுகிறது. இந்த சம்பவத்தில் நக்சலைட்கள், வடமாநில பயங்கரவாதிகள் அல்லது ஏதாவது அமைப்பைச் சேர்ந்தவர்கள் ஈடுபட்டிருக்கலாமா என, போலீசார் விசாரிக்கின்றனர். சம்பவ இடத்தில் மத்திய உளவுப்பிரிவு, கியூ, சிறப்பு புலனாய்வு பிரிவு உள்ளிட்ட பல்வேறு பிரிவு அதிகாரிகள் குவிந்தனர். முதற்கட்ட விசாரணையில் வெடிகுண்டு தயாரிப்பில் கை தேர்ந்தவர்களால் மட்டுமே இச்செயலில் ஈடுபட்டிருக்க முடியும் என போலீசார் சந்தேகிக்கின்றனர். அத்வானியின் கார் வரும்போது ஒருவர் பேட்டரியை இயக்கினால் வெடிக்கும் வகையில் குண்டு தயாரிக்கப்பட்டிருந்தது. தீவிரவாத அமைப்புகள் அல்லது நக்சலைட் இயக்கத்தினர் யாரும் இச்செயலில் ஈடுபட்டிருக்கலாம் என்ற கோணத்தில் போலீசார் விசாரணை நடத்தி வருகின்றனர்[14].

ஆலம்பட்டியை தேர்வு செய்தது ஏன்? குறுகிய பாலம் என்பதனால், ஒரு வண்டி போகும் போது, எதிரில் வரும் வண்டி நின்று வழிவிட வேண்டும். அத்தகைய பாலத்தைத் தேர்ந்தெடுத்தது சந்தேகத்தையெழுப்புகிறது.

• “இசட்’ பிரிவு பாதுகாப்பில் உள்ள தலைவர்கள் வரும் போது, அவர்கள் செல்லும் பாதையில், பாலங்கள் உட்பட முக்கிய கிராமங்களில் இரவு நேரத்தில் போலீஸ் பாதுகாப்பு போடப்படும். ஆனால், வெடிகுண்டு வைக்கப்பட்டிருந்த பாலத்தில் இரவு நேரத்திலும், நேற்று காலையிலும் கூட பாதுகாப்பிற்காக யாரும் நிறுத்தப்படவில்லை[15].
• திருமங்கலம் – ராஜபாளையம் இடையே உள்ள ரோட்டில் இந்த ஆலம்பட்டி தரைப்பாலம் மட்டும் தான் குறுகியது. எனவே, யாரும் தப்பிவிடக் கூடாது என்பதற்காக வெடிகுண்டு வைத்தவர்கள் இப்பாலத்தை தேர்ந்தெடுத்துள்ளனர்.
• போலீசார் கூறுகையில், “சக்தி வாய்ந்த இந்த வெடிகுண்டு வெடித்திருந்தால், பெரிய அளவில் சேதம் ஏற்பட்டிருக்கும். பைப்பிற்குள், 4 பிளாஸ்டிக் பைகளில், 4 அடிக்கு கருமருந்து அடைக்கப்பட்டிருந்தது. இந்த குண்டை, மொபைல் போன் மூலம் “ஆபரேட்’ செய்ய திட்டமிட்டிருக்கலாம்’ என்றனர்.
•  பாலத்தின் அடியில் வெடிகுண்டு இருப்பது தெரிந்ததும், ஒரு மணி நேரம் இப்பாதையில் போக்குவரத்து நிறுத்தப்பட்டது.
• இச்சம்பவத்தால், அத்வானி ஆலம்பட்டி வழியாகச் செல்லாமல், விருதுநகர், சிவகாசி நான்கு வழிச்சாலை வழியாக ஸ்ரீவில்லிபுத்தூர் சென்றார்[16].

கோவையை தொடர்ந்து மதுரையிலும் குறி: அத்வானி, 1998ம் ஆண்டில் லோக்சபா தேர்தல் பிரசாரத்திற்காக கோவை வந்தபோது, தொடர் குண்டு வெடிப்பு நடந்ததில் பலர் பலியாகினர்; விமானம் தாமதமாக வந்ததால், அத்வானி அதிர்ஷ்டவசமாக உயிர் தப்பினார்.இந்நிலையில், மதுரையில் நேற்று அவரை குறி வைத்தே குண்டு வைக்கப்பட்டுள்ளது. இரண்டு நாட்களாக இதற்கான வேலையில் மர்ம நபர்கள் ஈடுபட்டுள்ளனர். பயமுறுத்தவோ, எச்சரிக்கவோ அல்லாமல், தாக்குதல் நடத்தும் நோக்கிலேயே குண்டு வைக்கப்பட்டிருக்கலாம். இதற்காகவே ஆள் நடமாட்டம் அதிகம் இல்லாத இடத்தில், குறுகிய பாலத்தில் சதியை நிறைவேற்ற திட்டமிட்டுள்ளனர் என, போலீசார் கருதுகின்றனர்.மதுரை சிறையில் இருந்து விசாரணை கைதிகளை, ஆலம்பட்டி வழியாக தென்காசி கோர்ட்டிற்கு போலீசார் அழைத்துச் செல்வது வழக்கம். கைதிகளில் யாரையாவது கொலை செய்ய, இந்த குண்டுகள் வைக்கப்பட்டதா என்றும் விசாரணை நடக்கிறது. காரணம், இரு ஆண்டுகளுக்கு முன், மதுரை ரிங் ரோடு ஓடைப் பாலத்தின் அடியில், நெல்லையில் இருந்து வந்த கைதிகளை கொல்ல வைக்கப்பட்டிருந்த, “கூஜா வெடிகுண்டுகள்’ கைப்பற்றப்பட்டது குறிப்பிடத்தக்கது.

தொடரும் மிரட்டல் – நகைச்சுவையாக மாற்றப்பட்ட குண்டுவெடிப்புகள் : மதுரைக்கு தொடர்ந்து வெடிகுண்டு மிரட்டல் இருந்து வருகிறது. ஐந்து மாதங்களுக்கு முன், மாட்டுத்தாவணி எதிரே இருந்த டாஸ்மாக் கடையில் வெடிகுண்டு வெடித்தது. கடந்த செப்., 30ல் புதூர் அரசு பஸ் டெப்போவில் டைம் பாம் கண்டுபிடிக்கப்பட்டது. தற்போது, அத்வானி செல்லும் பாதையில், சக்தி வாய்ந்த குண்டு கண்டெடுக்கப்பட்டுள்ளது. மிரட்டலுக்கு, பயமுறுத்தலுக்குக் கூட வெடிகுண்டுகளை உபயோகப் படுத்தப் படுகின்றன என்றால், அத்தகைய கொடூரம் மனங்களில் வேடிக்கையாக, விளையாட்டாக ஆகிவிட்டது போலும். அதற்கேற்ற முறையில், குண்டு வெடிப்பது எப்பது தமிழ் திரைப்படங்களில் “ஜோக்காகி” விட்டது. அது மனிதர்களைக் குரூரமாக கொல்ல உபயோகப்படுத்தப் படும் தீவிர வாதம் / பயங்கரவாதம் என்ற எண்ணத்திற்குப் பதிலாக “தமாஷாக” எடுத்துக் கொள்ளும் நிலையை தமிழ்த்திரைப்பட நகைச்சுவை மாற்றிவிட்டிருக்கிறது.

தேசதுரோகிகளின் முயற்சி:பொன்.ராதாகிருஷ்ணன் பேட்டியும், நிதர்சனமும்: “அத்வானி யாத்திரை வழியில் வெடிகுண்டு வைத்தது தேசதுரோகிகளின் முயற்சியாக இருக்க வேண்டும்,” என மாநில பா.ஜ., தலைவர் பொன்.ராதாகிருஷ்ணன் தெரிவித்தார்.அவர் தினமலர் நிருபரிடம் கூறியதாவது: “இச்செயல் கோழைத்தனமான ஒன்று. இதுபற்றி பா.ஜ., கவலை கொள்ளவில்லை. போலீசார் நடவடிக்கை எடுப்பர். அத்வானியின் யாத்திரை, ஊழல், லஞ்சம் மற்றும் கறுப்புப் பணத்திற்கு எதிரானது என அனைவரும் புரிந்து கொண்டுள்ளனர். யாத்திரை, யாருக்கும் எதிரானது அல்ல என தெரிந்த பிறகும், இத்தகைய முயற்சிகள் நடப்பது தேசதுரோகிகளின் முயற்சிகளாக தான் இருக்க முடியும். நாடு நன்றாக இருக்க வேண்டும், ஊழலை ஒழிக்க வேண்டும் என நினைப்பவர்கள், இத்தகைய செயல்களில் ஈடுபட மாட்டார்கள், என்றார். மூப்பனார் முதல் கருணாநிதி வரை இவர்கள் எப்பொழுதும் தாங்களே குண்டு வைத்துக் கொள்வர்கள்[17] என்று ஜோக் அடித்துள்ளதையும் நினைவு கூரத்தக்கது”. இதுவும் இன்றைய சூழ்நிலைகளில் முக்கியமாகிறது, ஏனெனில், இணியதள தாக்குதல்களில் மறைந்து தாக்கும் சூராதி சூரர்கள் இத்தகைய வாதத்தை வைத்து ஏமாற்றப் பார்க்கின்றனர் என்பதைவிட, உண்மையை மறைக்க பிரச்சார யுக்தியாக பயன்படுத்துகின்றனர். செய்த குற்றங்களோ, செத்தவர்களோ பொய்யில்லை. குறைந்த தண்டனைகள் பெற்று வெளியில் வந்துவிட்டதால், அவர்கள் புனிதர்கள் ஆகிவிட மாட்டார்கள், ஏனெனில் செத்தவர்களின் மனைவி-மக்களுக்கு, உறவினர்களுக்கு கொலையாளிகள் யார் என்று நன்றாகவே தெரியும். அவர்கள் நடமாடி வரும்போது, உலா வரும்போது, அப்போது பார்க்கும் போது கொலைகாரகள் போகிறார்கள் என்று தான் நினைப்பர்கள்.

“பவர் ஜெல்” வெடி மருந்து என்றால் என்ன?: பல்வேறு ரசாயனங்களில் இருந்து வெடி மருந்துகள் தயாரிக்கப்படுகின்றன[18]. அதுமட்டுமல்லாது வெடிகுண்டுகள் தயாரிப்பது பற்றி புத்தகங்களை வேறு வெளியிடுகிறார்கள். அல்-குவைதா, தலிபான் போன்ற குழுக்கள் ரசாயன படிப்புப் படித்த இளைஞர்களை வைத்துக் கொண்டு, குண்டுகளைத் தயாரிப்பது, வெடிப்பது பற்றிய கையேடுகளைத் தயாரித்து, தீவிரவாத இளைஞர்களுக்கு, புதிய தீவிரவாதிகளுக்குக் கொடுக்கிறார்கள். இவற்றில், “பவர் ஜெல் வெடி மருந்து’ ஒரு வகை. நைட்ரோகிளிசரின்[19], டி.என்.டி., அசிட்டோன் பெராக்சைடு, ஆர்.டி.எக்ஸ்., அல்லது நைட்ரோசெல்லுலரஸ் ஆகிய ரசாயன பொருட்களை அதிக அழுத்தத்தில் சிலிண்டர் அல்லது பைப்பில் அடைத்து, அதை திடீரென எரிய வைத்தால், அதிக சக்தி, வெப்பம் மற்றும் நெருப்பு வெளிப்படும். இது சில மீட்டர் சுற்றளவுக்கு சேதத்தை ஏற்படுத்தும்.வெடி மருந்தை வெடிக்கச் செய்வதற்கு, திரவ நைட்ரஜன் பயன்படுத்தப்படும். இதனால், இவ்வகை வெடிகுண்டுகள், “பவர் ஜெல்’ என அழைக்கப்படுவதாகக் கூறப்படுகிறது. ராணுவத்தில் மட்டுமல்லாது இவ்வகை வெடிகுண்டுகள் குவாரிகளிலும் அதிகம் பயன்படுத்தப்படுகிறது. அவ்வாறு அவை எளிதில் கிடைப்பதால், அவறையே வெடிகுண்டுகளாக தீவிரவாதிகள் பயன்படுத்துகின்றனர்.

வேதபிரகாஷ்

28-10-2011

தமிழகத்தில் வெடிகுண்டு கலாச்சாரம் பெருகி வருவது: 1984 சென்னை / 1998 கோவை வெடிகுண்டு வெடிப்புகளுக்குப் பிறகு, தமிழகத்தில் அவ்வப்போது வெடிகுண்டு வெடிப்பது உண்மையாகி விட்டது[1].  அல்-உம்மா, சிமி[2] முதலிய இயக்கங்கள் தடை செய்யப்பட்டாலும் பல உருவங்களில் செயல்பட்டு வருகின்றன. தமிழகத்தைச் சேர்ந்தவர்கள் அயல்நாட்டில் தீவிரவாதத்தில் ஈடுபடும் வழக்குகளும் வெளிவருகின்றன[3]. பணப்புழக்கம், கள்ளநோட்டுப் புழக்கம் அவற்றுடன் தீவிரவாதிகளின் இணைப்பு முதலியன தெரியவருகின்றன[4]. வழக்குகள் தாமதம், அரசியல் தலையீடு என்றெல்லாம் இருந்தாலும் குண்டுகள் வெடித்ததை மறைக்க முடியாது, ரத்தம் சிந்தியது, உடல்கள் சிதறியது, அடையாளமே தெரியாமல் போனது, கை-கால்கள் துண்டானது, அப்பாவி மக்கள் கொல்லப்பட்டது பொய்யாகாது, காயமடைந்தது முதலியன மறக்க முடியாது. குண்டு வெடிப்புகள் தமிழ் குழுமங்களிலிருந்து முஸ்லீம் அமைப்புகளுக்கு மாறியுள்ளது என்பதில்லை, ஆனால் அத்தகைய தொழிற்நுட்பம், குண்டுகள் தயாரிப்பு, அதற்குண்டான ஆதரவு, பணபலம், எல்லாவற்றிற்கும் மேலாக அவ்வாறு செய்யவேண்டும் என்ற மனப்பாங்கு முதலியன உள்ளன / நடந்து கொண்டு வந்துள்ளன என்பது நிதர்சனமாகத்தான் உள்ளது.

குறிப்பாக நவீன யுக்திகளை கையாலுவது, குறிப்பிட்ட தொழிழ்நுட்பத்தை உபயோகப்படுத்துவது, அதை சிறிதே மாற்றியமைப்பது, ஆனால், அதனால் பெருத்த யிர்சேதம், நாசம் குறிப்பாக பீதியை உண்டாக்குவது என குறிப்பிட்ட இயக்கங்கள் செயல்பட்டுவருகின்றன. இருப்பினும் வெடிகுண்டு புரளி செய்தி வருவது, அதைப் பற்றி கவலையில்லாமல் கிண்டலாக, நக்கலாக, பேசுவது, எழுதுவது, சினிமாக்களில் அதிகமாக “ஜோக்குகளாக” தயாரித்து வெளியிடுவது, செனல்கள் அவற்றை பலதடவை ஒலி-ஒளிபரப்பி கேலிக்கூத்தாக்கிவிட்டது முதலியன அதனை மறக்க-மரக்கச் செய்துவிட்டன போலும். இப்பொழுது மறுபடியும் ஞாபகப்படுத்துகிறது. மதுரை ஜிஹாதி ஒருவன் பிரான்ஸில் கைது செய்யப்பட்டான்[5]. தமிழகத்தில் நடந்து வந்துள்ள குண்டுவெடிப்புகள் கீழே பட்டியலிடப்பட்டுள்ளன[6].

குண்டு தயாரிப்பு விவரம்[10]: உள்ளுக்குள்ளே வெடித்து நாசத்தை உண்டாக்கும் குண்டுகளை (IED = Internally explosive Devices) உருவாக்குதல், தயாரித்தல் (Ammonium Nitrate / RDX),”டைமர்” முதலிய மின்னணு கருவிகளை உபயோகித்தல் முதலிய முறைகளைப் பயன்படுத்தலில், குறிப்பிட்ட இஸ்லாமிய தீவிரவாதிக் குழுக்கள் வல்லுனர்களக இருக்கிறார்கள்[11]. கடந்த குண்டவெடிப்புகளில், இத்தகைய முறை கையாளப்பட்டுள்ளது.  மும்பையிலும் அதே முறை கையாளப்பட்டுள்ளது. மொத்தம் டிபன்-பாக்ஸுகளில் வைக்கப்பட்ட ஏழு குண்டுகள் உபயோகப்படுத்தப்பட்டுள்ளது[12]. வழக்கம் போல அவை துணிபைகளில் வைக்கப்பட்டு வெடிக்கப்பட்டுள்ளன. இந்த குண்டுவெடிப்புகள் பீதியை உண்டாக்கவில்லை, மாறாக அழிவை உண்டாக்கவே செய்துள்ளன[13]. லஸ்கர்-இ-தொய்பா, இந்திய-முஜாஹித்தீன் மற்றும் தடை செய்யப்பட்டுள்ள சிமி (இந்திய இஸ்லாமிய இளைஞர் கூட்டமைப்பு) முதலியோர்களின் கைவேலை தெரிகிறது என்று வெடிகுண்டு வெடிக்கப்பட்ட இடங்களினின்று பெற்ற ஆதாரங்களை வைத்து எடித்துக்காட்டியுள்ளனர்[14]. அவர்களை கண்காணித்து வருவதாக புலன் விசாரணை செய்யும் குழுக்கள் கூறுகின்றன[15]. மும்பையில் இஸ்லாமிய தீவிரவாதிகள் குண்டுவெடிப்புகள் நடத்தியுள்ளது ஒன்றும் புதியதல்ல. புனாய்வுத்துறை மும்பை மறுபடியும் தாக்குதலுக்குள்ளாகும் என்று தெளிவாக எச்சரித்தது[16]. ஆனல் உள்துறை அமைச்சகம் இதை மறுத்தது. ஆனால், குண்டுகள் வெடிக்கத்தான் செய்தான், மக்கள் இறக்கத்தான் செய்தனர், கொன்ற குரூரக் கொலையாளிகள் இன்னும் தண்டிக்கப்படவில்லை.

பா.ஜ., தலைவர் அத்வானி செல்லும் பாதையில் பயங்கர சதி[17]: அத்வானியைக் கொல்லவேண்டும் என்பதில்  தீவிரவாதிகள் குறியாகத்தான் உள்ளனர். குறிப்பாக தமிழகத்தில் வரும்போது கொல்ல வேண்டும் என்ற எண்ணம் வலுவாகவே இருக்கின்றது. இந்த தடவையும் அத்தகைய முயற்சி நடந்துள்ளதா என்று ஆராய வேண்டியுள்ளது. ஏற்கெனெவே ஐ.பி அவர்மீதான தீவிரவாத தாக்குதல் உள்ளது என்று எச்சரித்துள்ளது[18]. “லால் கிருஷ்ண அத்வானி இந்தியாவின் மூத்த அரசியல் தலைவர்களில் ஒருவர். பல தீவிரவாத தாக்குதல் பட்டியிலில் அவர் பெயர் முதலில் உள்ளதால், அவருக்கு இஜெஇ-பிளஸ் என்ற பாதுகாப்பு கொடுக்கப்பட்டுள்ளாது. அவர் 20 மாநிலங்களில் 38 நாட்கள் பிரயணம் மேற்கொண்டிருப்பதமால் அந்த எச்சரிக்கை விடப்பட்டுள்ளது”. அதாவது இந்த நாட்டில் வெளிப்படையாகவே தீவிரவாதிகள் அத்வானியைக் கொல்வோம் என்று கொக்க்ரித்துக் கொண்டலையும் கூட்டம் உள்ளது என்று இந்திய ரகசிய அமைப்பே ஒப்புக் கொள்கிறது. பிறக் அத்தகைய இயக்கத்தை அல்லது அவ்வாறு அறிந்த  மனிதர்களை எப்படி சுதந்திரமாக விட்டு வைத்திருக்கிறது என்று தெரியவில்லை. மதுரை மாவட்டம் திருமங்கலம் அருகே, பா.ஜ., மூத்த தலைவர் அத்வானி ரத யாத்திரை செல்லவிருந்த பாதையில், ஓடைப் பாலத்தின் அடியில் சக்தி வாய்ந்த பைப் வெடிகுண்டுகள் கண்டுபிடிக்கப்பட்டன. இதைத் தொடர்ந்து, மாற்றுப் பாதையில் அத்வானியின் வண்டி சென்றது. செல்லும் பாதையில் பாதுகாப்பு பலப்படுத்தப்பட்டது. அத்வானியின் உயிருக்கு குறி வைத்து, இந்த குண்டுகளை வைத்தது யார்? என, போலீசார் விசாரித்து வருகின்றனர். சில ஆண்டுகளுக்கு முன், கோவையில் தேர்தல் பிரசாரத்துக்கு வந்த அத்வானியை குறிவைத்து வெடிகுண்டுகள் வெடிக்கப்பட்டன. இப்போது மதுரையிலும் அத்வானிக்கு குறி வைத்து குண்டு வைத்துள்ள சம்பவம், நாடு முழுவதும் பெரும் பரபரப்பை ஏற்படுத்தியுள்ளது[19].

பிரச்சினை வேறு என்றாலும் குறிக்கோள் ஒன்றாகத்தான் உள்ளது: அரசியல் ரீதியில் கட்சிகள் தங்களது பிரச்சினைகளை மாற்றிக் கொண்டு பிரச்சாரம் செய்யலாம். ஆனால், சித்தாந்த ரீதியிலான போராட்டங்கள், ஈடுபட்ட குழுமங்களுக்கு ஒன்தாகத்தான் உள்ளது. எதிரிகளும் மாறுவதில்லை. ஊழலை எதிர்த்து அத்வானி மேற்கொண்டுள்ள மக்கள் விழிப்புணர்வு யாத்திரை, நேற்று காலை 10 மணிக்கு மதுரையில் இருந்து புறப்பட்டது. திருமங்கலம் வழியாகச் சென்று ஸ்ரீவில்லிபுத்தூர், ராஜபாளையம் பொதுக்கூட்டத்தில், அத்வானி பேச ஏற்பாடு செய்யப்பட்டிருந்தது.திருமங்கலத்தில் இருந்து 5 கி.மீ., தொலைவில் உள்ள ஆலம்பட்டியில் ஓடைப் பாலத்தின் அருகே, அதே கிராமத்தைச் சேர்ந்த செல்வராஜ், 40, என்பவர் நேற்று காலை 7.30 மணிக்கு விறகு வெட்டச் சென்றார். அப்போது, பச்சை நிற ஒயர்கள் அவரது காலில் பட்டது. அந்த ஒயர்களை பின்தொடர்ந்து சென்று பார்த்தபோது, பாலத்தின் அடியில், மடை உள்ளே செடி, கொடிகளை மறைத்து ஏதோ பொருள் இருந்தது தெரிய வந்தது. அதை அகற்றிப் பார்த்தபோது, உள்ளே 5 அடி நீளமுள்ள 2.5 அங்குலம் விட்டம் கொண்ட இரு பி.வி.சி., பைப்புகள் இருந்தன[20]. இருபக்கங்களும் மூடியிருந்து, இணைக்கப் பட்ட வயர் 50 மீட்டர் தொலைவு வரை நீண்டிருந்தது. அங்கு போட்டார் சைக்கிள்களில் உயோகப்படுத்தப் படும் 12-வோல்ட் பேட்டரியும் காணப்பட்டது. ஜெல் எனப்படுகின்ற ரசாயன வகை வெடிப்பொருள் எளிதாக வெடிக்கக் கூடியவை. பாறைகளை பிளக்க குவாரிகளில் உபயோகப்படுத்தி வருகின்றனர்[21].

பேட்டரியுடன் குண்டு இணைப்பு: போலீசாருக்கு உடனே தகவல் தெரிவிக்கப்பட்டது. டி.எஸ்.பி., ரவிச்சந்திரன் தலைமையில் போலீசார் குவிந்தனர். அந்த பைப்புகளை சோதனை செய்தபோது, அது பைப் வெடிகுண்டுகள் என தெரிய வந்தது. மதுரை வெடிகுண்டு தடுப்பு போலீசார், கயிற்றின் உதவியோடு வெடிகுண்டுகளை வெளியில் இழுத்தனர். அப்போது, வெற்று பைப் மட்டும் வெளியே வந்தது. பின், அதனுடன் இணைக்கப்பட்டிருந்த 4 அடி நீள பைப் வெடிகுண்டை வெளியே எடுத்தனர். அந்த குண்டு, ஒயர் மூலம் 100 மீட்டர் தொலைவில் 12 வோல்ட் மின்சக்தி கொண்ட பேட்டரியுடன் இணைக்கப்பட்டிருந்தது[22].

வேதபிரகாஷ்

28-10-2011

தி.மு.க., ஆட்சி மின் துறையில் நிர்வாக சீர்கேடு அம்பலம்[1]: தி.மு.க., ஆட்சியில், தமிழக மின் துறையின் நிர்வாகச் சீர்கேடுகளால் ஏற்பட்ட பல கோடி இழப்பு விவரங்களை, மத்திய தணிக்கைத் துறை வெட்ட வெளிச்சமாக்கியுள்ளது. இதன்படி, ஒரே ஆண்டில், 6,348.10 கோடி ரூபாய் இழப்பு ஏற்பட்டுள்ளதாக, அதில் தெரிவிக்கப்பட்டுள்ளது. மின்சக்தி நஷ்டம், மின்சாரத் திருட்டு என்பது மற்ற மாநிலங்களிலும் இருந்தாலும், தமிழகத்தில் அது ஒரு மின்சாரத் திருட்டு என்பது கைதேர்ந்த கலையாக விளங்கி வருகிறது, அதாவது, சிறந்த முறையில், அத்தகைய திருட்டு நடத்தப் பட்டு வருகிறது[2]. ஆகையால் நஷ்டம் என்பது பலமுறைகளில் ஏற்படுகிறது[3].
மத்திய தணிக்கைத் துறை 2009-10ம் ஆண்டு வெளியிடப்பட்டுள்ள தணிக்கை ஆய்வறிக்கை: மத்திய தணிக்கைத் துறை சார்பில், கடந்த 2009-10ம் ஆண்டுக்கான, தணிக்கை ஆய்வறிக்கை வெளியிடப்பட்டுள்ளது. இதில் இடம்பெற்றுள்ள தகவல்கள் வருமாறு:முந்தைய 2005-10ம் ஆண்டு காலத்தில், மின் தேவைக்கேற்ப, 3,977 மெகாவாட் மின்சாரம், கூடுதல் உற்பத்தி செய்திருக்க வேண்டும். ஆனால், வெறும் 290 மெகாவாட் மட்டுமே கூடுதல் உற்பத்தி செய்ததால், 392.37 கோடி ரூபாய் இழப்பாகியுள்ளது. திட்டப்பணிகளுக்காக, 2,175 கோடி ரூபாய்க்கு ஒப்பந்தப் பணியில்லாததால், 133.26 கோடி இழப்பானது. நிலக்கரி கையாள்வதில் குறைபாடு ஏற்பட்டதால், 20.58 கோடி கூடுதல் செலவானது.ஒரே தரமான நிலக்கரி இறக்குமதி செய்ததையும், தமிழ்நாடு செய்தித்தாள் நிறுவனம், இறக்குமதி செய்ததையும் ஒப்பிடும் போது, தமிழக மின்வாரியம் இறக்குமதி செய்த நிலக்கரிக்கு, 337.76 கோடி அதிக செலவாகியுள்ளது.

நிலக்கரி இறக்குமதியால், 1,103.30 கோடி இழப்பு: அதிக நிலக்கரி இறக்குமதியால், 1,103.30 கோடி இழப்பானது. தமிழக மின்சார ஒழுங்குமுறை ஆணைய நிர்ணயத்தை மீறி, நிலக்கரியை அதிகமாக வாங்கியதால், 279.65 கோடி கூடுதல் செலவானது. அளவுக்கதிகமான துணை மின் ஆற்றல் பயன்பாட்டால், 281.63 கோடி இழப்பானது.அதிக அளவு மின்சாரக் கொள்முதலால், 64 சதவீத நிதிப்பற்றாக்குறை ஏற்பட்டது. இதுதான், மின்வாரிய நிதிநிலை மோசமானதற்குக் காரணம். கொள்முதலுக்காக, 59 சதவீத நிதி செலவாகியுள்ளது. 15 சதவீதம் மூலப்பொருட்களுக்கும், பத்து சதவீதம் வட்டிக்கும் செலவானது. மின் கட்டணத்தால், 89 சதவீதம் வருவாய் கிடைத்தது; மானியம் மூலம், வெறும் 9 சதவீதம் மட்டுமே கிடைத்தது.
தயாரிக்க ஆகும் செலவை விட குறைவாக விற்றதால் ஏற்பட்ட நஷ்டம்: ஒரு யூனிட் மின்சாரம் தயாரிக்க ஆகும் செலவை விட, 1.68 ரூபாய் குறைவாக விற்கப்படுவதால், அதிக நஷ்டம் ஏற்பட்டது. மின் பகிர்மான இழப்பை, 15 சதவீதமாகக் குறைக்காததால், 3,087.62 கோடி ரூபாய் இழப்பானது.தமிழகத்திற்கு மத்திய அரசு ஒதுக்கிய, காரேபல்மா-2, மந்தாகினி நிலக்கரி சுரங்கத்தைத் தோண்டாததால், நிலக்கரி பற்றாக்குறை ஏற்பட்டு, அதிகமாக வெளிநாட்டிலிருந்து இறக்குமதி செய்ய வேண்டிய நிலை ஏற்பட்டுள்ளது.வடசென்னை அனல்மின் நிலைய விரிவாக்கப் பணி ஒப்பந்தங்களை, தனித்தனியாகக் கொடுத்ததால், மத்திய அரசிடமிருந்து கிடைக்க வேண்டிய, 133.26 கோடி ரூபாய் சலுகை விரயமானது. அனல்மின் நிலைய கிடங்குகளில், நிலக்கரி இருப்பு வைக்காததால், 266.40 கோடி இழப்பு ஏற்பட்டது. துறைமுகத்தில், கப்பலில் இருந்து, நிலக்கரி கொண்டு வரும் பெல்ட்டுகள் பழுதாகி சரிசெய்யாததால், நிலக்கரி கொண்டு வருதல் தாமதமாகி, 6.61 கோடி ரூபாய் வீணானது.
உற்பத்தி இழப்பு: தூத்துக்குடி அனல்மின் நிலையத்தில், நிலக்கரி கொண்டு வருவதில் தாமதம் ஏற்பட்டு, கட்டாயப் பணி நிறுத்தம் நடந்தது. இதனால், 12.75 கோடி ரூபாய் உற்பத்தி இழப்பு ஏற்பட்டது. இதேபோல், நிலக்கரி கையாள்வதிலான சிக்கல், கட்டாயப் பணி நிறுத்தத்தால், வடசென்னை அனல்மின் நிலையத்தில், 144.07 கோடி இழப்பு ஏற்பட்டது. 2005-09 இடையிலான மானிய இடைவெளித் தொகை, 10,090.10 கோடி ரூபாயை மாநில அரசு, வாரியத்திற்குத் தரவில்லை.தமிழக மாசுக் கட்டுப்பாட்டுத் துறை சான்றிதழ் கட்டணம், 60.75 லட்சத்தை வாரியம் செலுத்தவில்லை. தூத்துக்குடி அனல்மின் நிலையத்தில், அதிகமாகப் பரவும் மாசுவைக் கட்டுப்படுத்த, உரிய திட்டமிடவில்லை. 35 ஆண்டுகள் நிறைவான 16 நீர் மின் நிலையங்களில், இரண்டை மட்டுமே ஆயுள் நீட்டிப்பு செய்துள்ளனர்.
இரவு நேர மின் பயன்பாடு வரி விலக்கியதால் ஏற்பட்டஇழப்பு: இரவு நேர மின் பயன்பாடு வரி விலக்கியதால், 38.85 கோடி இழப்பானது. 12 டிரான்ஸ்பார்மர்கள் வாங்க, டிரான்ஸ்பார்மர்ஸ் அண்ட் ரெக்டிபயர்ஸ் தனியார் நிறுவனத்திற்கு, இரண்டு விலைகளில் ஒப்பந்தம் செய்ததால், 7.07 கோடி ரூபாய் இழப்பு ஏற்பட்டது. இதைத்தவிர, பிள்ளைப் பெருமாள் நல்லூர் பவர் ஜெனரேட்டிங் கம்பெனி லிமிடெட் என்ற நிறுவனத்திற்கு, சில சலுகைகளைக் காட்டியுள்ளதனால் ரூ. 53.18 கோடி இழப்பு ஏற்பட்டுள்ளாதாக அறிக்கைக் கூறுகிறது[4]. புதிய மின் இணைப்புகளை வழங்க காலம் தாழ்த்தியதில், 4.73 கோடியும், மென்பொருள் நிறுவனங்களுக்கு கட்டணச் சலுகை மற்றும் சரியாகக் கணக்கிடாதது ஆகியவற்றால், 2.63 கோடி ரூபாயும், காற்றாலை நிறுவனங்களிடம் வருமான வரி பிடிக்காததால், 2.07 கோடி ரூபாயும், அனுமதிக்கப்பட்ட அளவை விட அதிக மின் அழுத்தப் பயன்பாட்டால், 1.59 கோடியும் இழப்பு ஏற்பட்டது.இதன்படி, கடந்த தி.மு.க., ஆட்சியில், மின்வாரிய நிர்வாகச் சீர்கேடுகளால், ஒரே ஆண்டில், 6,348.10 கோடி ரூபாய் இழப்பு ஏற்பட்டுள்ளது.

அதிகாரம், பலமுள்ள அரசியல்வாதிகளை நம்பி பிழைப்பு நடத்துக் கட்சிகள்: சோனியாவும், ஸ்டாலினும் இந்தியாவையும், தமிழகத்தையும் ஆளத்துடிக்கும் பலமும், அதிகாரமுள்ள அரசியல்வாதிகள். கோடிக்கணக்கான இந்தியர்களின் வாழ்க்கையை பலவிதங்களில் பாதிப்பை ஏற்படுத்தி வருபவர்கள். இன்றளவில், விஷயங்கள் வெளிப்படையாக இருக்க வேண்டும், அவற்றைத் தெரிந்து கொள்ள மக்களுக்கு உரிமைகள் உள்ளன என்றெல்லாம் சொல்லப்படுள்ளது. அதற்கேற்றார்போல சட்டங்கள் கூட இருக்கின்றன. ஆனால், அத்தகையவர்கள் வெளிநாடுகளுக்குச் சென்று வரும்போது, தனிப்பட்ட முறையில், மருத்துவ சிகிச்சை எடுத்துக் கொள்ள, ஓய்வு எடுக்க, வார இறுதி நாட்களைக் கழிக்கச் சென்று வருகிறார்கள் என்று செய்திகள் வருகின்றன. ஆனால், இதனால் மக்கள் எந்த அளவிற்கு பாதிக்கப் படுகின்றனர் என்பதை மக்களே அறியமுடியாத அளவிற்கு நிலைமை ஏற்ப்பட்டுள்ளது. சோனியா இந்தியாவில் இல்லாத போது, காங்கிரஸ்காரர்கள் உருப்படியான வேலை எதுவும் செய்யவில்லை[1], ஏனெனில் ஆணைகள் கிடைக்காததால், ஏனோதானோ என்று அறிக்கைகள் விட்டுக் கொண்டிருந்தார்கள். இதற்கும், எதிர்கட்சிகள் பாராளுமன்றத்தை நடத்தவிடாமல் இருந்தார்கள் என்று குற்றஞ்சாட்டப்பட்டதிற்கும் எந்த வேறுமையும் இல்லை. திமுகவைப் பொறுத்த வரையிலும், ஆட்சியில் இல்லாததால் அத்தகைய முடிவுகளை எடுக்க வேண்டிய எந்த பிரச்சினையும் இல்லை.

ஸ்டாலினின் லண்டன் பயணங்கள் (2008-2011): இங்கிலாந்திற்கு தமிழகத்திலிருந்து, குறிப்பாக திமுகவினர் அல்லது திமுகவை ஆதரிக்கும் நபர்கள், வியாபாரிகள்[2], நடிகர்கள், நடிகைகள்[3] சென்றுவருவதால், அவர்கள் தனிப்பட்ட முறையில் சென்று வருவதைத் தவிர, இந்தியாவை பாதிக்கும் வகையில் மற்ற விஷயங்களில் ஈடுபடுகிறார்களா என்று பார்க்க வேண்டிய நிலையில் இந்திய மக்கள் உள்ளார்கள்.

பிப்ரவரி 2011: கடந்த பிப்ரவரியில் 2011 சென்றபோது, திமுக-காங்கிரஸ் தேர்தல் பேச்சு வார்த்தைகள் பாதித்தன அப்பொழுது அவரது நண்பர் ராஜாசங்கர் செறிருந்தார்[4].

ஆகஸ்ட்-செப்டம்பர் 2009: முன்பு ஆகஸ்ட் 31, 2009 அன்று லண்டன் சென்றபோது, அமெரிக்கக் குழுவிடன் “கூவம் சம்பந்தமாக” நடத்த வேண்டிய பேச்சுவார்த்தைகளையும் நிறுத்துவிட்டு சென்றுள்ளார்[5]. அப்பொழுதும், சிகிச்சைக்குச் சென்றார் என்று குறிப்புகள் கொடுக்கப் பட்டனவேயன்றி, வேறெந்த விவரங்களும் அறிவிக்கப் படவில்லை. உதயநிதியும் சென்றிருந்தார். நாங்கள் தனிப்பட்ட முறையில் சென்றிருந்தோம், அரசு தரப்பில் செல்லவில்லை”, என்றார்[6].

ஜூன் 2008 – “வியாபார நிமித்தமாகச் சென்றாரா?”: அதற்கும் முன்பாக ஜூன் 2008ல் சென்றபோதும், இதே மாதிரி சொல்லப்பட்டது[7]. ஆனால் வியாபார நிமித்தமாக சென்றார் என்று ஆங்கில ஊடகங்கள் / பத்திரிக்கைகள் வெளியிட்டன. ஸ்டாலினுடைய இணைத்தளத்தில், ஒரு திமுக பக்தர், ஸ்டாலின் மருத்துவ சிகிச்சைக்காக லண்டனுக்குச் சென்றதைக் கேள்விபட்டு, அவரது ஆரோக்கியத்திற்காக ஆண்டவனை பிரார்த்திப்பதாக பதிவு செய்துள்ளார்[8]. நல்லவேளை, நாத்திகத் தந்தையார்[9] ஒன்றும் இடக்கு-மடக்காக எந்த கமண்டும் அடிக்கவில்லை போலும்!

இப்பொழுதைய பயணம் (செப்டம்பர் 2011): மு.க.ஸ்டாலின் கடந்த  4ஆம் தேதி  சென்னையில் இருந்து லண்டனுக்கு மருத்துவ சிகிச்சைக்காக புறப்பட்டு சென்றார்[10]. பிறகு 10 நாட்கள் ஓய்விற்குப் பிறகு, சென்றிருந்த, 14-09-2011 அன்று அதிகாலை சென்னை திரும்பினார். திமுக பொருளாளரும் முன்னாள் துணை முதல்வருமான மு.க.ஸ்டாலின், மனைவி துர்கா, மகள், மறுமகன், பேரன்கள் மற்றும் குடும்பத்தினருடன் சென்றிருந்தார்[11]. 10 நாள் பயணத்தை முடித்துக் கொண்டு இன்று அதிகாலை 3.15 மணிக்கு பிரிட்டிஷ் ஏர்வேஸ் விமானத்தில் ஸ்டாலின் சென்னை திரும்பினார்[12].

இந்தியர்கள் ஏன் கவலைப் படவேண்டும்?தனிப்பட்ட நபர்களாக, இந்திய குடிமகன்களாக, யார் வேண்டுமானாலும், எங்கு வேண்டுமானாலும் சென்று வரலாம். ஆனால், அரசியல், வியாபாரம், அரசு என்றெல்லாம் வரும் போது, அவர்கள் அவ்வாறு பிரித்துப் பார்ப்பதில்லை, முறைகளைக் கடைப்பிடிப்பதில்லை என்பதிலிருந்துதான், பொது மக்கள் கவலைப் படவேண்டியுள்ளது. சோனியா அமெரிக்காவில் மருத்துவமனையில் இருந்தபோது, யார்-யாரெல்லாம் சென்று பார்த்தார்கள், நலம் விசாரித்தார்கள், நலம் பெற வாழ்த்தினார்கள் என்று இந்தியர்களுக்குத் தெரியாது. ஆனனல், அவர்களில் வியாபார நிமித்தமாக அல்லது அப்படி யாராவது சென்று பார்த்து வைத்தால், நாளைக்கு உபயோகமாக இருக்குமே என்று பார்த்து வந்தவர்கள் யார் என்றும் இந்தியர்களுக்குத் தெரியாது. இங்குதான் பிரச்சினை வருகிறது. இத்தகைய அரசு-அரசியல் சாரா தனிப்பட்ட சந்திப்புகள், பிரயாணங்களில் மற்றவர்கள் இருப்பது பிரச்சினையை, வேறு கோணங்களிலும் திருப்புகிறது.

தமிழ்நாடு மின்சார வாரியம் 52,500 கோடிகள் வங்கிகளிடமிருந்து கடன் வாங்கியுள்ளது.  ஆனால் நஷ்டத்தில் இயங்கும் போதும், பற்பல சலுகைகளை அள்ளிவீசித்தான் வருகிறது. இலவச மின்சாரம் என்ற பெயரில் நடக்கும் கொள்ளையில் தான் கோடிக்கள் விரயமாகிறது. இந்நிலையில் மின்சார ஊழியர்களுக்கு சம்பளம் கொடுக்க பணமில்லை என்றாதால், தமிழக அரசே 2,300 கோடி நிதியுதவி அளித்து உதவுகிறதாம்[1]. கூடிய சீக்கிரத்தில், மின்சார கட்டணம் அதிகமகப் போகிறது என்பதை இதிலிருந்து தெரிந்து கொள்ளலாம்.

தமிழகத்தில் மின்சாரம் திருடுவது என்பது திராவிட கட்சிகளின் பாரம்பரியமாகவே இருந்து வந்துள்ளது. ஒவ்வொரு தெருக்கூட்டத்திற்கும் அவ்வாறு திருடுவது (கம்பிப் போட்டுத் திருடுவது ஒரு கைவந்த கலை[2]) பிறகு அவர்கள் வளர்ந்தவுடன், பொருளாதார அதிகாரம் பெற்றவுடன், அவர்களுடைய வியாபார காரணங்களுக்கு மின்சாரம் திருடுவது வாடிக்கையாக இருந்து வந்தது. இதே கலை தான் இப்பொழுது வரை தொடர்ந்து வருகிறது. இதைப் பற்றி “தமிழகத்தில் மின்சாரத் திருட்டு ஏன்?” என்ற தலைப்பில் எழுதியுள்ளேன்[3]

பொது நிகழ்ச்சிகள் நடத்துவதில் திருட்டு: பொது கூட்டங்கள் மற்றும் நிகழ்ச்சிகளுக்கு மின்சாரம் உபயோகப்படுத்துவதில், முதலில் மின்சாரவரியத்திலிருந்து “ஒப்புதல் சான்றிதழ்” பெற்றபிறகுதான் அனுமதிக்கப்படும் என்று முடிவு செய்யப்பட்டது. இதன்படி அவ்வாறு ஒப்புதல் இல்லாமல், மின்சாரத்தை உபயோகப்படுத்துவர்கள் மீது சட்டப்படி “மின்சாரத் திருட்டு” என்று போலீஸாரிடத்திலேயே புகார் கொடுத்து தக்க நடவடிக்கை எடுக்க தமிழ்நாடு மின்சார வாரிய விஜிலென்ஸ் துறை முடிவு செய்தது.
அருகிலுள்ள டிரான்ஸ்ஃபார்மரில் இருந்து திருடுவது: இதன்படி, நிகழ்ச்சிகளை நடத்துபவகள் குறுகிய கால உபயோக இணைப்புப் பெற்று, அதற்கான மின்னுபயோகத்திற்கு பணம் செல்லுத்தவேண்டும். இதனால் அருகில் இருக்கும் டிரான்ஃபார்மர்களிலிருந்து மின்சாராம் திருடுவது தடுக்கப்படும்.  மின்சார வாரிய விஜிலென்ஸ் துறை  தலைவர் வி.பாலச்சந்திரன், “ஜூன் 2005லிருந்தே இம்முறை இருந்தாலும், போலீஸாருக்கு உரிய ஆணைப் பிறப்பித்திருந்தாலும் சிலகாலத்திற்குப் பிறகு போலீஸார் அதை கடைப்பிடிப்பதை நிறுத்தி விட்டார்கள்”, என்று எடுத்துக் காட்டியுள்ளார்.
கம்பிபோட்டுத்திருடுவதால்இழப்பு, இனிமேல்போலீஸ்நடவடிக்கைஇருக்கும்என்றால், பிறகுமுன்புஏன்போலீஸார்நடவடிக்கைஎடுக்கவில்லை? “பொது கூட்டங்கள் மற்றும் நிகழ்ச்சிகளுக்கு குறுகிய கால உபயோக இணைப்புப் பெற்று மினசாரத்தை உபயோகிக்க வேண்டும் இல்லை டீசல் ஜெனரேட்டர்களை உபயோகிக்க வேண்டும். ஆனால், பழையபடி, கொக்கிப் போட்டு மின்சாரத்தை திருட்டுத்தனமாக உபயோக்கப்படுத்துவதை நாங்கள் கண்டறிந்துள்ளதால், பழையபடி நடவடிக்கை எடுக்க உள்ளோம்” என்று சென்ற வருடத்தில் சொல்லிருந்தார்.
கட்டடங்கள்கட்டுபவர்கள்அருகிலுள்ளவயலிலிருந்துமின்சாரம்திருடுகிறார்கள்: இதே மாதிரி இப்பொழுது வீடு-கட்டிடங்கள் கட்டுபவர்களும், அத்தகைய திருட்டு வழியைப் பின்பற்றுகிறார்கள். பொதுவாக அருகில் உள்ள வீடு அல்லது வயலில் உள்ள இணைப்பிலிருந்து இவர்கள் மின்சாரத்தைத் திருடுகிறார்கள். அத்தகைய திருட்டுகளை 2008-2009ல் 512 மற்றும் 2009-2010ல் 1,532 என்று கண்டு பிடித்து நடவடிக்கை எடுக்கப்படுள்ளதாக அறிவித்தார்.
இலவசமின்சாரத்தைஆழ்கிணறுநீரெடுக்கப்பயன்படுத்துவது, நீரைவிற்பது – விவசாயிகளின்திருட்டுவேலை: விவசாயத்திற்கு இலவச மின்சாரம் கொடுப்பதினால், அம்மின்சாரம் இவ்வாறான காரியங்களுக்கு உபயோகப்படுத்துவதால் வாரியத்திற்கு பெரிய அளவில் இழப்பு ஏற்ப்பட்டுள்ளது. குறிப்பாக தண்ணீரை லாரிகளில் விற்ப்பவர்கள், இக்காரியத்தை செய்து வருகிறர்கள். மேற்கு தமிழ்நாட்டில் கோயம்புத்தூரையும் சேர்ந்து மற்ற இடங்களில் இத்தகைய மின்சாரத்திருட்டு அதிகமாக நடக்கிறது. 2009-10ல் 329, 2008-09ல் 317 வழக்குகள் பதிவு செய்யப்பட்டுள்ளன.

கம்பிபோட்டுத்திருடுவதுதமிழகர்களுக்கு / திராவிடகட்சிகளுக்குகைவந்தகலை: மீட்டரை விடுத்து நேரிடையாக இணைப்பு கொடுத்தல்,  கம்பி போட்டு மின்சாரம் திருடும் முறைகள், 2009-10 வருடத்தில் குறைந்தாலும், புதிய முறைகளில் மின்சாரத்தைத் திருடும் வழிகள் அதிகரித்துள்ளன. 2008-9ல் கம்பிபோட்டு திருடுவது 2,765 ஆக இருந்தது 2009-10ல் 2,416க குறைந்தாலும், புதிய வகை திருட்டுமுறைகளில் அதிகமாகியுள்ளது. அதாவது ஒரே வருடத்தில் 563லிருந்து 3,266க புதிய திருட்டுகள் நடந்துள்ளன. அதாவது ழைந்து மடங்கு உயர்ந்துள்ளது. தூத்துக்குடி, ஈரோடு பகுதிகளில் புதியமுறை திருட்டுகள் நடைபெறுகின்றன. இதற்காகவும் உரிய நடவடிக்கை எடுக்கப்படும்.

மின் திருட்டு, மின்வாரிய சொத்து திருடுவோர் மீது குண்டாஸ்! தயாராகிறது அரசின் அடுத்த திட்டம்[4]: மின் திருட்டால் நஷ்டமடைந்துள்ள தமிழக மின்வாரியம், மின் திருட்டில் ஈடுபடுவோர் மீது குண்டர் சட்டத்தில் நடவடிக்கை எடுக்க முடிவு செய்துள்ளது. இதற்காக அமைக்கப்பட்டுள்ள மின்சார பாதுகாப்புப் படை, விரைவில் அதிரடி,”ரெய்டு’களை துவங்க உள்ளது. தமிழகத்தில் மின்திருட்டால், மின்வாரியத்திற்கு ஆண்டுதோறும் பல கோடி ரூபாய் இழப்பு ஏற்படுகிறது. மின் மீட்டர்களை சேதப்படுத்துதல், காந்தம் வைத்து மீட்டர்களை ஓட விடாமல் வைத்தல், மீட்டருக்கான இணைப்பை ரத்து செய்தல், டிரான்ஸ்பார்மர்களில் கொக்கி போடுதல் என, பல வகைகளில் மின்சாரம் திருடப்படுகிறது. மின்திருட்டையும், பகிர்மானத்தின் போது ஏற்படும் மின் இழப்பையும் தடுத்தாலே, ஓரளவு நஷ்டத்தை மின்வாரியம் சரிக்கட்ட முடியும். முதற்கட்டமாக, மின் திருட்டை தடுக்கும் நடவடிக்கைகளை மின்வாரியம் மேற்கொண்டுள்ளது.

எடுக்கப்படும்-படுகின்ற நடவடிக்கைகள்: இதற்காக, மின்வாரிய சேர்மனின் நேரடி கட்டுப்பாட்டில் அமைக்கப்பட்டுள்ள 18 பறக்கும் படைகள், சென்னை, திருச்சி, மதுரை மற்றும் கோவை ஆகிய நான்கு இடங்களில் செயல்படுகின்றன. கடந்த ஆண்டில் மட்டும் பறக்கும்படை ரெய்டில், 6,230 வழக்குகள் பதியப்பட்டு, அபராதம் வசூலிக்கப்பட்டுள்ளது. கடந்த மூன்று மாதங்களில், 13.14 கோடி ரூபாய் மதிப்பிலான திருட்டு நடவடிக்கைகளை கண்டுபிடித்துள்ளது. ஏப்ரல், மே, ஜூன் மாதங்களில், தமிழகம் முழுவதும், 1,642 மின் திருட்டு வழக்குகள் பதிந்து, இந்திய மின்சார சட்டம் 2003ன் படி, நடவடிக்கை எடுக்கப்பட்டுள்ளது. இதற்கிடையில், அ.தி.மு.க., தேர்தல் அறிக்கையில் அறிவிக்கப்பட்ட மின்சார பாதுகாப்புப் படை அமைக்க, மின்வாரியம் உத்தரவிட்டுள்ளது. இதற்கான முடிவுகள், மின்வாரிய 14வது கூட்டத்தில் மேற்கொள்ளப்பட்டு, ஓய்வு பெற்ற 400 ராணுவ வீரர்களை தேர்வு செய்யும் பணி நடந்து வருகிறது.

மின்வாரிய கண்காணிப்பு (விஜிலென்ஸ்) போலீசாரின் நடவடிக்கை:  இது மட்டுமின்றி, தமிழக மின்வாரியத்தில் செயல்படும் கண்காணிப்பு (விஜிலென்ஸ்) போலீசாரும், மின் திருட்டை தடுக்கும் நடவடிக்கையை துவங்கியுள்ளனர். வரும் காலங்களில், தொடர்ந்து மின் திருட்டில் ஈடுபடும் நிறுவனங்களின் மின் இணைப்புகளை, நிரந்தரமாக ரத்து செய்யவும், நிறுவனங்களின் அனைத்து அங்கீகாரங்களையும் ரத்து செய்ய பரிந்துரைக்கவும், மின்வாரியம் முடிவு செய்துள்ளது.மின் திருட்டில் ஈடுபடுவோர் மற்றும் மின்வாரிய பொருட்களுக்கு சேதம் விளைவிப்போர் மீது, குண்டர் தடுப்பு சட்டத்தில் நடவடிக்கை எடுக்கவும் முடிவு செய்யப்பட்டுள்ளது.இதுகுறித்து, மின்வாரிய பறக்கும்படை பொறியாளர் ஒருவர் கூறியதாவது:மின் திருட்டை தடுப்பதின் மூலம், 15 சதவீத நஷ்டத்தை சரிக்கட்ட முடியும். இதை கருத்தில் கொண்டு, மின் திருட்டை தடுக்க, 24 மணி நேர கண்காணிப்பில் ஈடுபட்டுள்ளோம். திருட்டில் சிக்குவோர் மீது, இந்திய மின்சார சட்டம் 2003 பிரிவு 135(1) சி அடிப்படையில் நடவடிக்கை எடுக்கிறோம். இரண்டு வகையான நடவடிக்கைகள் எடுக்கப்படுகின்றன. தவறை ஒப்புக் கொண்டு, மின்வாரிய நடவடிக்கைக்கு சமரசமாக ஒத்துழைப்போரிடம், மின்வாரியம் நிர்ணயிக்கும் கட்டணத்தை அபராதமாக பெற்று, எச்சரித்து அனுப்புகிறோம். இரண்டாவது வகையில், ஒன்றுக்கு மேற்பட்ட முறை தவறு செய்வோர் மீது வழக்கு பதிந்து, கோர்ட் மூலம் நடவடிக்கை எடுப்பதாகும். இதில், பெரும்பாலானோர், தவறை ஒப்புக் கொண்டு அபராதம் செலுத்தி விடுவர். தற்போது, மின்சார பாதுகாப்பு படையும் செயல்பாட்டுக்கு வரும் நிலையில்,  பலமுறை பிடிபடுவோரை போலீசாரிடம் ஒப்படைத்து, மின்சார சட்டம் மட்டுமின்றி, இந்திய குற்றவியல் சட்டத்தின்படி நடவடிக்கை எடுக்கவும் முடிவு செய்யப்பட்டுள்ளது. இவ்வாறு அவர் கூறினார். எரிசக்தித் துறை உயரதிகாரி ஒருவர் கூறும்போது, “குடிமைப் பொருள் கடத்தல் தடுப்பு பிரிவைப் போல், மின்திருட்டில் தொடர்ந்து ஈடுபடுவோர் மீதும், மின் இணைப்பு பெட்டியின் கதவுகளை திருடுதல், மின்வாரிய கேபிள்களை திருடுதல்[5] போன்ற மின்வாரிய சொத்துக்களை திருடுவோர் மீது, குண்டர் சட்டத்தில் நடவடிக்கை எடுப்பது குறித்து, சட்ட வல்லுனர்களுடன் ஆலோசித்து வருகிறோம்’ என்றார்.

சட்டம் சொல்வதென்ன? இதுகுறித்து, சட்டத்துறை அதிகாரி ஒருவர் கூறியதாவது:தற்போது, தமிழகத்தில் 1982 சட்டம் 14 என்ற சட்டத்தின் அடிப்படையில் தான், குண்டர் சட்ட நடவடிக்கைகள் எடுக்கப்படுகின்றன.  ”சட்டத்துக்கு எதிரான நடவடிக்கையில் ஈடுபடுவோர், கள்ளச் சாராயம் காய்ச்சுவோர், போதைப்பொருள் விற்பனை மற்றும் கடத்தல், வனச்சட்டத்துக்கு எதிரான செயல்கள், ரவுடி அராஜகம், விபச்சாரம், நில அபகரிப்பு, போலி வீடியோ தயாரித்தல் ஆகிய குற்றங்களுக்கு எதிரான சட்டவிரோத தடுப்பு தமிழக சட்டம் 1982(14)’ என, இச்சட்டம் அழைக்கப்படுகிறது. இதில், போலி வீடியோ தயாரிப்போரை குண்டர் சட்டத்தில் கைது செய்யும் சட்டம், கடந்த 2004ம் ஆண்டு முதல்வர் ஜெயலலிதா உத்தரவால் திருத்தம் செய்யப்பட்டதாகும்.

புதிய சட்டத்திற்கு தயாராகும் புதிய அரசு? தற்போது,  ஆட்சி மாற்றத்திற்கு பெரும் காரணியாக விளங்கிய மின் பிரச்னையை சரிசெய்ய, மின் திருட்டில் ஈடுபடுவோர் மீது, குண்டர் சட்டத்தை கொண்டு வருவதற்கான ஏற்பாடுகள் நடக்கின்றன. இந்த சட்டத்தில், “மின்துறைக்கு எதிரான சட்டவிரோத நடவடிக்கைகள்’ என்பதை இணைத்து, சட்டசபை கூடுவதற்கு முன் அவசரமாக தேவைப்பட்டால், கவர்னர் ஒப்புதலுடன் திருத்த (ஆர்டினன்ஸ்) சட்டமாக கொண்டு வரலாமா என, மின்துறை ஆலோசனை நடத்துகிறது[6]. இவ்வாறு அவர் கூறினார்.

மெட்ராஸ் பாஷை செத்தபாடையிலிருந்து வந்ததா? தமிழில் உள்ள சில திட்டுக்கள் எல்லாம் செத்தப்பாடையில் இருந்து பெறப்பட்டதைக் கட்டு வியப்பாக உள்ளது. கஸ்மாலம்[1], கர்மாந்தரம்[2], துராந்துருவே[3], பேமாணி[4], சோணகிரி[5]…….இப்படி அடுக்கிக் கொண்டே போகலாம். ஆனால், இவையெல்லாம் கருணாநிதிக்குப் பிடித்தவையாக இருக்கின்றன. இப்பொழுதுகூட “திராவிட முன்னேற்றக் கழகம் அப்படி யொன்றும் ஏமாந்த சோணகிரியாக ஆகிவிடாது”, என்று சொல்வது கருணாநிதிதான்!.

ஆரியக் கலாச்சாரத்தைப் பிரித்துக் காட்டவே திராவிடக் கலாச்சாரம்[6]!  இதோஒ கருணாநிதி பேசுவதை கவனியுங்கள்: “நம்முடைய கலாச்சாரம் தனி கலாச்சாரம், அதற்குப் பெயர்தான் நண்பர்களே, திராவிடக் கலாச்சாரம்[7]. திராவிடக் கலாச்சாரம் என்று சொல்லும்போது அதிலே சாரம் இருக்கிறது, அதனால்தான் இதை திராவிடக் கலாச்சாரம் என்று பிரித்துச் சொல்லுகிறோம் என்ற அந்த வேறுபாட்டை பொதுவிலே உணரக்கூடியவர்கள் உண்டு. ஆரியக் கலாச்சாரத்தைப் பிரித்துக் காட்ட, நாம் திராவிடக் கலாச்சாரத்தைச் சொல்ல வேண்டி இருக்கிறது. திராவிடக் கலாச்சாரத்தில் ஊறி வளர்ந்தவர்கள் நாம். அதனால்தான் இந்த இயக்கத்திற்கு திராவிட முன்னேற்றக் கழகம் என்று பெயர் வைத்திருக்கிறோம் என்றால் திராவிடக் கலாச்சாரத்தை வாழ்த்த, திராவிடக் கலாச்சாரத்தைப் போற்ற, திராவிடக் கலாச்சாரத்தை வெற்றி கொள்ளச் செய்ய நாம் உருவாக்கியிருக்கின்ற கழகத்திற்குப் பெயர்தான் திராவிட முன்னேற்றக் கழகம்.

திராவிட என்ற சொல்லை எதிர்த்தவர்கள் இன்றைக்கு தாங்கள் ஆரம்பிக்கின்ற புதிய கட்சிகளுக்கு அதை வைத்துக் கொள்கிறார்கள்[8]: திராவிட என்ற சொல்லை எதிர்த்தவர்கள் இன்றைக்கு திராவிட என்ற சொல்லை தாங்கள் ஆரம்பிக்கின்ற புதிய கட்சிகளுக்கெல்லாம் வைத்துக் கொண்டு நம்முடைய வாய்ப்பை, நம்முடைய எதிர்காலத்தை, நம்முடைய பெருமையை, நம்முடைய மக்கள் பற்றை, மக்கள் தொடர்பை அறுத்துவிடுவோம் என்றெல்லாம் மார்தட்டுகிறார்கள். நான் அவர்களுக்குச் சொல்வேன், இங்கே பேசியவர்கள் எல்லாம் குறிப்பிட்டதைப் போல, திராவிட முன்னேற்றக் கழகம் அப்படி யொன்றும் ஏமாந்த சோணகிரியாக ஆகிவிடாது.

வளர்ந்து வரும் கழகத்தரு[9]: ஏனென்றால், இதனுடைய அடிப்படை, இன உணர்வு அடிப்படை. இது ஏதோ திடீரென்று அங்கிருந்து ஒரு செடியை எடுத்து இங்கே பதியம் போடுவதைப்போல வைத்த செடி அல்ல. இங்கிருந்தே

தெள்ளிய ஆலின் சிறுபழத் தொருவிதை

தெண்ணீர் கயத்துள் சிறுமீன் சினையினும்

நுண்ணிதே ஆயினும் அண்ணல் யானை

அணிதேர்ப்புரவி ஆட்பெரும் படையுடன்

மன்னர்க்கு இருக்க நிழலா கும்மே!

என்ற பாட்டின் கருத்தைப்போல்; மீன் முட்டையைவிட சிறிதாக – அந்த சினையைவிட சிறிதாக இருக்கின்ற ஒரு விதையில் இருந்து முளைத்ததாக இருந்தாலும், அணி தேர் புரவி ஆட்பெரும் படையோடு மன்னருக்கு இருக் கின்ற நிழலைத் தரக்கூடிய மாபெரும் தருவாக இன்றைக்கு திராவிட முன்னேற்றக் கழகத்தரு வளர்ந்து இருக்கிறது. இந்தத் தரு நிழலிலே நமது மக்கள் குளிர்காண்பது மாத்திரமல்ல, நம்முடைய குலப் பெருமையைக் காணலாம், இந்தத் தரு நிழலிலே, நாம் இன்னும் பல மேன்மைகளைக் காணலாம்.

(நாகர்கோவில் முப்பெரும் விழாவில் முதலமைச்சர் கலைஞர் – 20.9.2010)

ஆரியக் கலாச்சாரம் திராவிடக் கலாச்சாரம், கஸ்மாலம், துராந்துருவே, பேமாணி, சோணகிரி, திராவிடம், ஆசாரம், தரு

[2] கருமம் + அந்தரம் = கருமத்தின் முடிவு, செய்த வினையின் முடிவு.

[3] துராந்துவே = காணாமல் போய் விடுவாய், அதாவது துவாரம் + அந்தரம் = துவாரந்தரம் என்பதுதான், துராந்துருவே / துராந்துவே ஆகிறது. அதாவது போய் சேரும் முடுவு தெரியாமல் போய் விடுவாய் என்ரு பொருள்.

[4] நல்ல மனிதத்தன்மைக்கு எதிர்ப்பதமாக உபயோகப் படும் கெட்ட வார்த்தை.

[5] சோணகிரி = சோணம் + கிரி = பொன்னால் ஆன மலை, அதாவது, அத்தகைய மலை எங்கும் இருக்காது. எனெவே அப்படி சொல்லி ஏமாற்றினால், அதை நம்புகிறவர்கள் தாம் “சோணகிரி”!

[6] http://www.viduthalai.periyar.org.in/20100921/news24.html

[7] திராவிட, ஆசாரம், முதலியவை செத்தப்பாடை சொற்கள்.

[8] http://www.viduthalai.periyar.org.in/20100921/Page07.html

[9] இங்கு தரு என்ற வார்த்தையும், செத்தப்பாடையில் இருந்து எடுத்தாளவதுதான்!

http://www.viduthalai.periyar.org.in/20100821/snews04.html

குறிப்பு: புத்தர் சிலை கோவிலில் காணப்படுவது ஒன்றும் ஆச்சரியப்படுவதற்கு ஒன்றும் இல்லை. இதற்கான விளக்கம், கீழ்கண்ட கட்டுரையிலேயே இருக்கிறது. இருப்பினும், தலைப்பு வேண்டுமென்றே விஷமத்தனமாக, “தஞ்சை பெரிய கோவிலில் புத்தர் விகாரம்”, என்று கொடுக்கப்பட்டுள்ளது!

மழை பெய்யும்போது, அழகுடன் நிலவொளி பொழியும்போது, நண்பகல் நேரத்தில், மாலை கதிரவன் மறையும் நேரத்தில் மின்னும் தங்கநிற ஒளியில் என்று தஞ்சை பெரிய கோயிலை நான் பல்வேறு நிலைகளிலும் பார்த்திருக்கிறேன். ஆனால் இவை அனைத்திலும் காலை கதிரவன் எழும்போது காணும் காட்சியே மிகச் சிறப்பானதாக இருந்தது. சுற்றுச்சூழல் மகிழ்விக்கும் வண்ணம் இருக்கும் இக்காலை நேரமே பிரகாரத்தைச் சுற்றிவர ஏற்றது.

சிலமாதங்களுக்கு முன் ஒருநாள் அதிகாலை நேரத்தில் நான் சென்றிருந்த போது திருச்சுற்று மாளிகை என்ற கல்வெட்டுகளில் குறிக்கப்பட்டிருந்த சுற்றுப் பாதையில் இருந்த அடித்தளங்கள், தூண்களில் பொறிக்கப்பட்டிருந்த கல்வெட்டு எழுத்துக்களின் மேல் சாய்வான கதிரவனொளிக் கற்றைகள் படிவதைக் கண்டேன். கருப்பு வண்ணத்தில் அழகுறச் செதுக்கப்பட்டது போன்று அந்த எழுத்துக்கள் தோன்றின. முருகன் சன்னிதி படிகளில் அமர்ந்து வழக்கம்போல ஓதுவார் ஒருவர் தேவாரப் பாடல் பாடிக்கொண்டிருந்தார். பிரகாரத்தில் எதிரொலித்த அவரது குரல் தொலைவில் கூவிக்கொண்டிருந்த குயிலின் ஓசையுடன் கலந்து ஒலிக்கையில் கம்பீரமாக நிற்கும் இந்த மாபெரும் கோயிலைப் பற்றிய பல கேள்விகள் மனதில் தோன்றின.

இக்கோயில் முழுவதுமாக ஏன் கட்டி முடிக்கப்படவில்லை?

இக்கோயில் கட்டப்பட்ட பல நூற்றாண்டு கழிந்த பின் வந்த நாயக்கர்கள் கருவறைக்கு முன் உள்ள பெரிய மண்டபத்தைக் கட்டி முடித்தனர். இம்மண்டபத்தின் தூண்களில் 108 பரதநாட்டியச் சிற்பங்கள் உள்ளன. ஆனால் 20 தூண்களில் மட்டும் எந்தவிதமான சிற்பங்களும் செதுக்கப்படாமல் நிற்கின்றன. வேலை நடந்து கொண்டிருந்தபோது திடீரென நிறுத்தப்பட்டும் இருக்கக்கூடும். இவ்வாறு கட்டி முடிக்கப்படாத கோயிலுக்கு ஏன் குடமுழுக்கு செய்யப்பட்டது? இராஜராஜ சோழனின் மகன் ராஜேந்திர சோழன் தனது தலைநகரை தஞ்சையில் இருந்து ஏன் கங்கைகொண்ட சோழபுரத்துக்கு மாற்றிக் கொண்டான்? தனது தந்தை கட்டத் தொடங்கிய தஞ்சைப் பெரிய கோயிலைக் கட்டி முடிப்பதை விட்டுவிட்டு கங்கைகொண்ட சோழபுரத்தில் மற்றொரு கோயில் அவன் ஏன் கட்டத் தொடங்கினான்? சைவக் கோயிலில் காணப்படும் புத்தரின் சிலைகள் எவ்வகையில் முக்கியத்துவம் வாய்ந்தவை?

தஞ்சை பெரிய கோயிலுக்கு வழக்கம்போல நான் சென்று கொண்டிருந்த காலத்தில் அங்கிருந்த புத்தர் சிற்பம் காணப்படும் மாடத்தை எனது கவனத்துக்கு முதன் முதலாகக் கொண்டு வந்தவர் அமெரிக்க டேவிட்சன் கல்லூரியில் ஆசிய கலை, வரலாற்றுப் பேராசிரியராக இருந்த எனது நண்பர் முனைவர் ஜபாப் தாமஸ்தான். சாக்யமுனி புத்தரின் சிற்பம் உள்ள மாடங்கள் இரண்டு இந்தக் கோயிலில் உள்ளன. ஒன்று இரண்டாவது கோபுரத்தின் அடிப்பகுதியில் உள்ளது; மற்றொன்று பிரதானக் கோயிலுக்குள் உள்ளது. இதில் சில நிகழ்வுகள் தொடர் சிற்பக் சங்கிலி மூலமாக ஏதோ கோமாளித்தனமான பாணியில் தெரிவிக்கப்படுபவையாக உள்ளன. மத்திய கால தமிழகத்தின் கோயில்களில் இவ்வாறு சிற்பங்களை அமைப்பது ஒரு பாணியாகவே இருந்தது. கதை சொல்லும் இது போன்ற சிறுசிறு சிற்பச் சங்கிலிக் காட்சிகளை வேறு சில கோயில்களிலும் நீங்கள் காணலாம். அது இதிகாசங்களில் வரும் ஒரு காட்சியாகவோ அல்லது ஒருவரலாற்று நிகழ்வாகவோ இருக்கலாம். இதனைப் போலத்தான் பல்லவர்களின் வரலாறு காஞ்சிபுரம் வைகுந்த பெருமாள் கோயிலில் சிற்பச் சங்கிலிகளில் கூறப்பட்டுள்ளது. கங்கைகொண்ட சோழபுரத்தில் பகீரதனின் கதை இவ்வாறு சிற்பத்தில் கூறப்பட்டுள்ளது.

தஞ்சை பெரியகோயிலின் இரண்டாவது கோபுர நுழைவாயிலின் அடித்தளத்தில் முதல் புத்தர் சிற்ப மாடம் உள்ளது. உள்ளே நுழைந்தவுடன் இடது பக்கம் திரும்புங்கள். மேற்கு நோக்கியிருக்கும் இந்த சிற்ப மாடம் உங்கள் கண்களுக்கு நேராகத் தெரியும். இங்கே இரண்டு சிற்பங்கள் உள்ளன. ஒரு மரத்தின் கீழ் புத்தர் உட்கார்ந்திருப்பது போன்றது ஒன்று. அந்த மரத்தின் அடிப்பாகத்தை ஒரு மனிதன் பிடித்துக் கொண்டிருப்பான். மற்றொரு சிற்பத்தில் ஒரு இணையர் (கணவன்_மனைவி) இறைஞ்சும் நிலையில் காணப்படுவர்; கணவன் தலையில் ஒரு லிங்கம் இருக்கும்.

பிரதானக் கோயில் கட்டமைப்பில் புத்தரின் இரண்டாவது சிற்பம் காணப்படுகிறது. கருவறைக்குச் செல்லும் படிகளின் தென்புறத்தில் உள்ள அலங்காரக் கைப்பிடிச் சுவர் மீது இது உள்ளது. இத்தொகுப்பில் மூன்று சிற்பங்கள் உள்ளன. முதல் சிற்பத்தில் புத்தர் ஒரு மரத்தின்கீழ் அமர்ந்திருக்கிறார். மேல்புறத்தில் கந்தர்வர்களின் சிற்பங்கள் செதுக்கப்பட்டுள்ளன. இரண்டாவது சிற்பத்தில் ஒரு மரத்தின் கீழ் புத்தர் நின்றிருக்கிறார். அவரை அரசகுடும்பத்தினர் வணங்கி நிற்கின்றனர். அவர்களுக்குப் பின் வணங்கி நிற்கும் நிலையில் கந்தர்வர்கள் சிற்பங்கள் செதுக்கப்பட்டுள்ளன. மூன்றாவது சிற்பத்தில் வானத்திலிருந்து வரவேற்பது போன்று அமைக்கப்பட்டுள்ளது. கோயிலின் முன் உள்ள கந்தர்வன் ஒருவன் தன் தலைமீது லிங்கம் சுமந்து நிற்கிறான். உள் பிரகாரத்தின் வடக்குச் சுவர் சித்திரங்களில் விவரிக்கப்பட் டுள்ள கதைதான் இங்கும் விவரிக் கப்பட்டுள்ளதாக எனக்குத் தெரிவிக் கப்பட்டது. ஆனால், இவற்றை ஒப்பிட்டுப் பார்க்க என்னால் அந்த ஓவியங்களைப் பார்க்க இயலவில்லை.

இக்கோயில் பற்றி எழுதப்பட்டுள்ள எண்ணற்ற நூல்களில் எது ஒன்றிலும் இந்த புத்தர் சிற்பம் உள்ள மாடங்களைப் பற்றிய குறிப்பு எதுவுமே இல்லை. தென்னிந்தியக் கலை வரலாற்று ஆசிரியரான சிவராமமூர்த்தி என்பவர் எழுதிய அதிகாரபூர்வமான இந்திய தொல்பொருள் ஆய்வு அறிக்கையிலும் இது பற்றிய குறிப்பு ஏதுமில்லை. இது பற்றி பல இலக்கியங்களில் நான் தேடிப்பார்த்தபோது, ஒரே ஒரு பண்டிதர் மட்டுமே இந்தச் சிற்பங்களைப் பற்றி பதிவு செய்திருப்பதுடன், அவற்றைப் புரிந்து கொள்ளவும் முயன்றிருப்பதைக் கண்டேன். 1976ஆம் ஆண்டு கோயில் சட்டம் பற்றிய ஆய்வின் முன்னுரையில் முனைவர் சுரேஷ் பிள்ளை இந்த புத்தர் சிற்ப மாடங்களைப் பற்றி குறிப்பிட்டுள்ளார். சோழ மன்னர்கள் காலத்தில் கடற்கரைப் பகுதியில் புத்த மதமும் டெல்டா பகுதியில் ஜைன மதமும் பரவலாகப் பின்பற்றி வரப்பட்டன என்று அவர் குறிப்பிடுகிறார். ஒரே குழுவைச் சேர்ந்த கட்டடக் கலைஞர்கள் ஒரு கோயிலையோ, புத்த விகாரத்தையோ, ஜைனமடத்தையோ கட்டுவதில் ஈடுபட்டிருப்பார்கள். இத்தகைய இடங்களில் இந்த கட்டடக் கலைஞர்கள் சுதந்திரமாக நடமாடுவர்.

தஞ்சை பெரியகோயிலில் புத்தரைப் பற்றிய மற்றொரு சிற்பமும் உள்ளது. கருவறையைச் சுற்றிவரும் பாதையில் இரண்டு நிலைகளில் சுவர்களில் ஈரக் காறையில் வரையப்பட்ட சோழர்களின் வடிவங்கள் உள்ளன. அனைத்துக்கும் மேலே தவ நிலையில் உட்கார்ந்திருக்கும் ஒரு மீட்டர் நிளமுள்ள புத்தரின் ஓவியம் உள்ளது. இந்தச் சிற்பங்கள் எல்லாம் நமக்கு என்ன தெரிவிக்கின்றன? இதில் உள்ள கதை என்ன? கோயிலின் ஒரு பகுதியாக இவற்றை வைத்திருப்பதன் முக்கியத்துவம் என்ன? இக்கோயிலைப் பற்றி விடைகாண இயலாத கேள்விகள் மேலும் பல உள்ளன. கஜுரஹோ கோயிலின் ரகசியங்களைக் கண்டுபிடித்து தெரிவித்த சோபிதர் பூஞ்சா போன்ற கற்றறிந்த பண்டிதர் எவரேனும் வந்து இவற்றுக்கு விடை கண்டால்தான் உண்டு.

ஒருவேளை, ஒரே நாளில் அல்லது காலகட்டத்தில், இந்தியாவில் இரண்டு நடிகைகள், தமது இடங்களை விட்டு, வேறு இடத்திற்கு வந்து தமது நம்பிக்கைகளைப் பற்றி பேசியுள்ளது வியப்பாக உள்ளது.

கோடம்பாக்கம் குஷ்பு: இவரைப் பற்றி இப்பொழுது சொல்லவேண்டிய அவசியம் இல்லை. முஸ்லீமாக பிறந்து, “ஹிந்து” போல உலா வந்து, மக்களை ஏமாற்றி, கற்ப்பைப்பற்றி கேவலமாக பேசி, இப்பொழுது தான் “பெரியாரிஸ்ட்” என்று தம்பட்டம் அடித்துக் கொள்கிறார். கோடம்பாக்கத்திற்கு இறக்குமதி செய்யப்பட்ட, இந்த நடிகை, கருணாநிதியுடன் கைக்கோர்த்துக் கொண்டு, நாத்திகம், பெரியாரிஸம் என்றெல்லாம் பேச ஆரம்பித்துள்ளார்.

ஹாலிவுட் ஜூலியா ராபர்ட்ஸ்: ஆலிவுட் திரை உலகின் சூப்பர் ஸ்டார் ஜூலியா ராபர்ட்ஸ்(42) ரோமன் கத்தோலிக்க கிறிஸ்தவ மதத்தை சேர்ந்தவர் நடிப்பில் தனி முத்திரை பதித்து வரும் இவருக்கு உலகம் முழுவதிலும் கோடிக்கணக்கான ரசிகர்கள் உள்ளனர். இவரது நடிப்பில் வெளியான பிரட்டி உமன் என்ற படம் வசூலில் சாதனை படைத்தது. இப்படத்தில் நடித்ததற்காக ஆஸ்கார் விருதையும் பென்று சாதனை படைத்தார். இவர் கடந்த ஆண்டு செப்டம்பர் மாதம் ஈட்பிரே அண்ட் லவ் என்ற படத்தின் படப்பிடிப்பில் கலந்து கொள்ள டெல்லி வந்திருந்தார் தொடர்ந்து 3 மாதங்கள் வரை இந்தியாவில் தங்கி இருந்தார். “ஈட் பிரே அண்ட் லவ்” படத்தில் ஜூலியா ராபர்ட்ஸ் விதவைப் பெண் கேரக்டரில் நடித்தார். கதைப்படி அவர் நிம்மதிக்காக இந்தியா வந்து கோவில்களில் வழிபடுவது போன்ற காட்சிகள் இடம் பெற்றன. இதனால் அவருக்கு பல்வேறு இந்து கோவில்கள் ஆசிரமங்களுக்கு செல்லும் வாய்ப்பு கிடைத்தது. படத்தில் நடிப்பதற்காக இந்து கோவிலுக்கு சென்ற அவருக்கு உண்மையிலேயே மன நிம்மதி, கடவுளின் அருள் ஆசி கிடைத்தது.

உலகின் சிறந்த மதம் மன அமைதி கிடைத்ததால் இந்து மதத்திற்கு மாறினேன்

இந்து மதத்துக்கு மாறினார் ஜூலியா ராபர்ட்ஸ், ஆகஸ்ட் 08,2010

http://www.dinamalar.com/News_Detail.asp?Id=57126

புதுடில்லி :ஹாலிவுட்டின் பிரபல நடிகை ஜூலியா ராபர்ட்ஸ்(42), இந்து மதத்துக்கு  மாறிவிட்டார். கோவிலுக்குச் சென்று பிரார்த்தனை செய்கிறார். “அடுத்த பிறவியிலாவது நான் நிம்மதியாக இருக்க வேண்டும்’ என, மனமுருகிக் கூறியுள்ளார்.

எனது சொந்த நாடு ஜார் ஜியா. ரோமன் கத்தோலிக்க மதத்தில் பிறந்தவர். சிறுவயது முதலே வேதாகமத்தை (பைபிளை) படித்து வந்தேன். கிறிஸ்தவ கோவில்களுக்கு சென்று அவ்வப்போது வழிபடுவேன்.

ஆனாலும் என் வாழ்வில் தொடர்ந்து பிரச்சினைகள், குழப்பங்கள் இருந்து வந்தன. கடந்த ஆண்டு இந்தியா வந்த போது இந்து மத வழிபாடுகளால் ஈர்க்கப்பட்டேன். இந்த வழிப்பட்டால் என் வாழ்வை சீரழித்த பிரச்சினைகள் நொடிக்பொழுதில் மாய மானதை கண்டு மகிழ்ச்சி அடைந்தேன். குழப்பமான நிலையில் இருந்த எனக்கு ஒரு தெளிவு கிடைத்தது.

இந்து கோவில்களில் அர்ச்சகர்கள் காட்டும் தீபத்தை கை வைத்து கும்பிடும் போது எனக்கு புத்துணர்ச்சி கிடைத்ததை உணர முடிந்தது.

எனது பிரார்த்தனையை கடவுள் கேட்டு உடனடியாக தீர்த்து விடுவது போன்ற பிரமிப்பு ஏற்பட்டது. நெற்றியில் இடும் திருநீறு தீயசக்திகளிடம் இருந்து என்னை கடவுள் பாதுகாப்பது போல உணர்ந்தேன். தற்போது எனது 3 குழந்தைகளுக்கும் திருநீறு பூசி வருகிறேன். கைகளில் புனிதமான சிவப்பு கயிரை கட்டிக் வருகிறேன். இந்து மதம் என் வாழ்வில் திருப்பு முனையை ஏற்படுத்தி உள்ளது.

நான் ஒரு பெரியாரிஸ்ட்! நடிகை குஷ்பு அறிவிப்பு

http://www.viduthalai.periyar.org.in/20100810/news01.html

அய்தராபாத்தில் நேற்று பெரியார் திரைப் படம் தெலுங்கு மொழியில் வெளியீட்டிற்கான முன்னோட்ட நிகழ்ச்சி நடைபெற்றது. இந்நிகழ்ச்சியில் பேசிய நடிகர் இனமுரசு சத்ய ராஜ், தான் ஒரு பெரியார் கொள்கைப் பற்றாளன் என்பதை ஏற்கெனவே பிரகடனப்படுத்தியவர்.

அய்தராபாத்தில் நடைபெற்ற பெரியார் தெலுங்கு திரைப்பட முன்னோட்ட நிகழ்வில் பெரியார் திரைப்படத்தில் அன்னை மணியம் மையாராக நடித்த நடிகை குஷ்பு தன்னுடைய உரையில், அன்னை மணியம்மையாரைப் பற்றி எந்த படச் சுருளையும் தான் பார்க்கவில்லை. அவர் இயல்பாக இருக்கின்ற போட்டோக்களை மட்டுமே பார்த்தேன். அன்னை மணியம்மை யாரைப் பற்றிய வரலாற்றுச் செய்திகளை மட்டுமே படித்தேன். திராவிடர் கழக தலைவர் வீரமணி அவர்கள் அன்னை மணியம்மையாரைப் பற்றித் தெரிந்து கொள்ள பல செய்திகளைக் கூறினார். அதுதான் நான் மணியம்மையாராக சிறப்பாக நடிப்ப தற்குக் காரணமாக இருந்தது.

நான் ஒரு பெரியாரிஸ்ட் என்பதை இந்த நேரத்தில் பிரகடனப்படுத்திக் கொள்வதில் பெருமை அடைகின்றேன் என்றும் குஷ்பு கூறினார். குஷ்பு இவ்வாறு அறிவித்ததை மேடையில் இருந்தவர்களும், பார்வையாளர்கள் வரிசையில் அமர்ந்திருந்தவர்களும் மகிழ்ந்து கைதட்டி வரவேற்றனர்.